آسٹریلیا اورہانگ کانگ میں کے پی کےڈرائیونگ لائسنسزکی مبینہ جعلی تصدیق کا اسکینڈل سامنے آ گیا۔

آسٹریلیا اورہانگ کانگ میں خیبرپختون خوا کے ڈرائیونگ لائسنز کی مبینہ جعلی تصدیق کے اسکینڈل میں ہانگ کانگ میں 89 اور آسٹریلیا میں متعدد جعلی لائسنس تصدیق کی شکایات پروزارت خارجہ کی جانب سے خیبر پختون خوا حکومت کو معاملے کی چھان بین کی ہدایت کی گئی ہے۔

آسٹریلیا میں خیبرپختون خوا ٹرانسپورٹ کے ڈرائیونگ لائسنزسے متعلق شکایات صوبائی حکومت کو ارسال۔ وزارتِ خارجہ کی جانب سے مراسلے میں کہا گیا کہ خیبرپختونخوا سے کم عمر لوگوں کو بھی ڈرائیونگ لائسنس جاری کیے گئے ہیں۔

وزارت خارجہ کی جانمب سےمراسلے میں انکشاف کیا گیا کہ پاکستان کے دیگرصوبوں کے شہریوں کوبھی ڈرائیونگ لائسنس جاری کیے گئے، ایسے لوگوں کو بھی لائسنس جاری کیے گئے جو پاکستان آئے ہی نہیں تھے، نظام میں خامیوں کے باعث کئی لوگوں نے جعلی لائسنس حاصل کیے ہیں۔

مراسلے سفارش کی گئی کہ معاملے کی چھان بین کرتے ہوئے ذمہ داروں کے خلاف کاروائی کی جائے۔

ہانگ کانگ کمیشن برائے انسداد بدعنوانی کے مطابق 89 درخواست گزاروں کو پاکستانی ڈرائیونگ لائسنس کی بنیاد پر ہانگ کانگ میں ڈرائیونگ لائسنس دیے گئے۔ ہانگ کانگ ڈرائیونگ لائسنس کےلیے پاکستانی لائسنس کی جعلی تصدیق جمع کرائی گئی۔

خیبرپختونخوا حکومت نے معاملے کی چھان بین کے لیے ڈائریکٹر ٹرانسپورٹ کو انکوائری آفیسرمقرر کردیا۔