حافظ نعیم الرحمان نے کہا ہے کہ عالم اسلام کا مسئلہ ہو تو کراچی سب سے آگے ہوتا ہے، کراچی والوں کے دل فلسطینیوں کےساتھ دھڑکتے ہیں۔ 

کراچی میں غزہ ملین مارچ سے خطاب کرتے ہوئے امیرجماعت اسلامی پاکستان حافظ نعیم الرحمان نے خطاب کرتے ہوئے کہا کہ  امریکہ نے ویتنام، افغانستان اور عراق میں قتل عام کیا، امریکہ اسرائیل کا سہولت کار بنا ہوا ہے، امریکہ نے عراق میں انسانیت کاقتل کیا۔

حافظ نعیم الرحمان نے کہا کہ اسرائیل فلسطینیوں کا قتل عام کررہا ہے، پوری دنیا کے مسلمان فلسطین کے ساتھ ہیں، عالم اسلام کا مسئلہ ہوتوکراچی سب سے آگےہوتا ہے، کراچی عالم اسلام کا سب سے بڑاشہر ہے، کراچی والوں کے دل فلسطینیوں کےساتھ دھڑکتےہیں۔

امیرجماعت اسلامی نے خطاب میں کہا کہ حماس نےحملہ کیا تو اسرائیل کوشکست فاشت ہوئی، امریکہ انسانیت کا دشمن ہے، اسرائیل نے حماس کےخلاف کارروائی کی تومنہ کی کھانی پڑی، اسرائیل کے ٹینک تباہ ہوئے، ہزیمت کا سامنا کرنا پڑا۔

حافظ نعیم الرحمان نے کہا کہ امریکہ اسرائیل کی حمایت سےدستبردارنہیں ہورہا، لوگ آج بھی واشنگٹن میں احتجاج کررہےہیں، امریکی عوام ہی امریکی حکومت کے خلاف کھڑے ہوئے، پیپلزپارٹی اورمسلم لیگ ن حماس کےلئے کیوں نہیں نکلتیں۔ تحریک انصاف بھی اپنی پوزیشن واضح کرے۔

امیرجماعتِ اسلامی نے کہا کہ بانی پی ٹی آئی جیل سے بیان دیں کہ وہ حماس کےساتھ ہیں، بانی پی ٹی آئی جیل سے اسرائیل کی مذمت کریں۔