آئی سی سی ٹی 20 ورلڈ کپ کے فائنل میں بھارت نے جنوبی افریقہ کو  7 رنز سے شکست دے کر عالمی چمپئن بن گیا۔

بھارت کے 176 رنز کے تعاقب میں پروٹیز کی ٹیم مقررہ 20 اوورز میں 8 وکٹوں کے نقصان پر 169 رنز بنا سکی۔

جنوبی افریقہ کی جانب سے ہینرچ کلاس سب سے نمایاں کھلاڑی تھے جنہوں نے 27 گیندوں پر 52 رنز کی عمدہ اننگ کھیلی، جس میں 5 چھکے اور 2 چوکے شامل تھے۔

کوئنٹن ڈی کوک نے 39 رنز بنائے، ٹرسٹن اسٹبز نے 31 رنز بنائے، جبکہ ڈیوڈ ملر نے 21 رنز بنائے۔

بھارت کی جانب سے ہاردیک پانڈیا نے 3 پروٹیز کا شکار کیا ، جبکہ ارشدیپ سنگھ اور جسپریت بمرا نے 2،2 کھلاڑیوں کو آؤٹ کیا۔ اکشر پٹیل کے حصے میں ایک وکٹ آئی۔

اس سے قبل بھارت نے ٹاس جیت کر پہلے بیٹنگ کا فیصلہ کیا، اور مقررہ 20 اوورز میں 7 وکٹوں کے نقصان پر 176 رنز بنائے۔

بھارت کی ابتدائی 3 وکٹیں 34 رنز پر گر گئیں تھی، مگر پھر ویرات کوہلی اور اکشر پٹیل کے درمیان 72 رنز کی عمدہ شراکت ٹیم کو میچ میں دوبارہ لے آئی۔

کپتان روہت شرما 9 رنز بنا کر آؤٹ ہوئے، رشبھ پنت صفر اور سوریا کمار یادیو 3 رنز بنا کر آؤٹ ہوئے۔

اکشر پٹیل نے شاندار 47 رنز کی اننگز کھیلی، جس میں 4 چھکے اور 1 چوکا شامل تھے۔ جبکہ ویرات کوہلی سب سے نمایاں بیٹسمین تھے جنہوں نے 76 رنز کی شاندار اننگز کھیلی۔

شیوم ڈوبے نے 27 رنز بنا کر آؤٹ ہوئے۔

جنوبی افریقہ کی جانب سے کیشو مہاراج اور نوکیا نے 2،2 کھلاڑیوں کو آؤٹ کیا، رباڈا اور جینسن ایک،ایک  وکٹ لی۔

میگا ایونٹ کا فائنل میچ کینسنگٹن اوول اسٹیڈیم بارباڈوس میں کھیلا گیا۔

واضح رہے کہ جنوبی افریقہ اور بھارت فائنل میچ سے قبل میگا ایونٹ میں ناقابل شکست رہی ہیں۔

جنوبی افریقہ نے پہلی بار آئی سی سی ٹی 20 ورلڈ کپ کے فائنل تک رسائی حاصل کی جبکہ بھارت کو دس سال بعد دوبارہ فائنل کھیلنے کا اعزاز حاصل ہوا۔