سکیورٹی فرم امبری کا کہنا ہے کہ جنگ زدہ یمن کے جنوب میں خلیج عدن میں جہاز کو میزائل سے نشانہ بنایا گیا۔

برطانوی میری ٹائم سکیورٹی ایجنسی کا کہنا ہے کہ ایران کے حمایت یافتہ حوثی باغیوں کی جانب سے کئی ماہ سے جاری حملوں کے بعد آج یمن کے قریب ایک تجارتی جہاز پر حملے کے بعد آگ لگ گئی تھی۔

بحریہ کے زیر انتظام یونائیٹڈ کنگڈم میری ٹائم ٹریڈ آپریشنز کا کہنا ہے کہ جہاز کو دو نامعلوم میزائلوں سے نشانہ بنایا گیا جس کے نتیجے میں جہاز میں آگ لگ گئی۔

سکیورٹی فرم امبری کے مطابق جزیرہ نما عرب کے غریب ترین ملک جنگ زدہ یمن کے جنوب میں خلیج عدن میں جہاز کو میزائل سے نشانہ بنایا گیا۔

امبری نے کہا کہ مرچنٹ شپنگ کو مشورہ دیا جاتا ہے کہ وہ متاثرہ جہاز سے اچھی طرح دور رہیں اور عملے کی نقل و حرکت کو روکیں انہوں نے مزید کہا کہ جہاز حوثیوں کے ہدف پروفائل سے مطابقت رکھتا ہے۔

سنہ 2014 میں صنعا سے حکومت کا تختہ الٹنے کے بعد سے سعودی عرب کی زیر قیادت اتحاد کے ساتھ جنگ میں مصروف حوثیوں نے نومبر سے اب تک بحیرہ احمر اور خلیج عدن میں بحری جہازوں پر ڈرون اور میزائل حملے کیے ہیں۔

ان کا کہنا ہے کہ غزہ کی پٹی میں جاری اسرائیل حماس جنگ کے دوران فلسطینیوں کی حمایت میں اہم تجارتی راستے کو نشانہ بنایا جا رہا ہے۔

رپورٹ کے مطابق حوثی باغیوں نے باغیوں کے زیر قبضہ الحدیدہ کے جنوب مغرب میں لائبیریا کے جھنڈے والے بحری جہاز ٹیوٹر کو نشانہ بنایا جس کا دعویٰ تھا کہ اس نے سمندری اور فضائی ڈرون اور بیلسٹک میزائل استعمال کیے تھے۔

بعد ازاں امریکی فوج کی سینٹرل کمانڈ نے کہا تھا کہ ٹیوٹر کو حوثیوں کے بغیر پائلٹ والے ڈرون نے نشانہ بنایا تھا جس کی وجہ سے انجن روم کو شدید نقصان پہنچا۔