ملک محمد احمد خان نے کہا ہے کہ جب ماؤں بہنوں کو گالیاں اورخواتین کا نام لے کربرے طریقے سے تضحیک انداز میں بات ہوتو ہائوس کے تقدس کو پامال نہ ہونے دیں گے۔

اسپیکر پنجاب اسمبلی ملک محمود احمد خان نے پنجاب اسمبلی کے اجلاس کے دوران کہا کہ آج تک کبھی ایسا نہیں ہوا کہ قائد ایوان کو گفتگو نہ کرنے دی گئی ہو، جب بھی وزرا صاحبان کھڑے ہوتے ہیں باقی بیٹھ جاتے ہیں۔

اسپیکر ملک محمد احمد خان نے کہا کہ اسپیکریا لیڈرآف اپوزیشن بات کریں تو ان کو ترجیحی بنیادوں پر بات کرنے کی اجازت دی جاتی ہے۔ میں نے اپوزیشن کو زیادہ وقت نہیں دیا بلکہ برابری کی بنیاد پروقت دیا۔

ملک محمد احمد خان نے کہا کہ اسپیکر ڈائس کا گھیراؤ کیاگیا لیکن آخری بارایسا نہیں ہونے دیا، میرے لئے پابندی کا آرڈر پاس کرنا بھاری دل سے کیا، جب ماؤں بہنوں کو گالیاں خواتین کا نام لے کر برے طریقے سے تضحیک انداز میں بات ہوتو ہائوس کے تقدس کو پامال نہ ہونے دیں گے۔

اسپیکرملک محمد احمد خان نے کہا کہ غیرجانبدار رہنے کی کوشش کروں گا اگر ہائوس کو ان آرڈر کےلئے سخت فیصلے کرنے پڑے تو کروں گا، پہلا بجٹ گلوٹین کے بغیر پاس کروایا گیا، جس حق کے ساتھ خواہ اپوزیشن لیڈر یا وزراء سے زیادہ حق لیڈر آف دی ہائوس ہوتا ہے۔

اسپیکر پنجاب اسمبلی نے کہا کہ میں ایک کمیٹی بنا رہا ہوں جس میں بازاری گفتگو ننگی گالیوں اور غلیظ نعروں کی تحقیقات کرے گی اوراس کی رپورٹ اسمبلی کا ریکارڈ کا حصہ بنایا جائے گا، وہ رپورٹ ایوان میں پیش کی جائے گی۔

بعدازاں اسپیکرملک محمد احمد خان نے ایجنڈا مکمل ہونے پر پنجاب اسمبلی کااجلاس غیر معینہ مدت کےلئے ملتوی کردیا۔