حج 2024، نئے قوانین کا اطلاق آج سے شروع، خلاف ورزی پر بھاری جرمانہ

ویب ڈیسک

02nd Jun, 2024. 06:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حج 2024، نئے قوانین کا اطلاق آج سے شروع، خلاف ورزی پر بھاری جرمانہ

سعودی عرب میں نئے حج قوانین آج سے شروع ہو گئے ہیں، خلاف ورزی پر 37 لاکھ 10 ہزار روپے تک جرمانہ کیا جائے گا۔

سعودی عرب میں حج قواعد و ضوابط اور ہدایات کی خلاف ورزی پر جرمانے کا اطلاق آج (2 جون) سے ہو رہا ہے اور یہ 20 جون تک جاری رہے گا۔

شہری، رہائشی اور زائرین بغیر اجازت نامے کے حج نہیں کر سکتے۔

حکام شہریوں، رہائشیوں اور اجازت نامے کے بغیر حج کرنے والے زائرین پر تقریبا 6 لاکھ 81 ہزار روپے سے زائد کا جرمانہ عائد کریں گے۔

حکام نے اس بات پر بھی روشنی ڈالی کہ اگر کوئی شخص بغیر اجازت کے عازمین حج کو لے جاتے ہوئے پکڑا گیا تو اسے جرمانے کے علاوہ 6 ماہ تک قید کی سزا دی جائے گی۔

مکہ مکرمہ شہر، مرکزی علاقے، مقدس مقامات، حرمین ٹرین اسٹیشن، سیکیورٹی چیک پوائنٹس، اسکریننگ سینٹرز اور عارضی سیکیورٹی چیک پوائنٹس پر بغیر اجازت حج کی ادائیگی ممنوع ہے۔

قانون کے مطابق خلاف ورزی کرتے ہوئے پکڑے جانے والے شہریوں کو ان کے آبائی ممالک میں جلاوطن کر دیا جائے گا اور ایک مخصوص مدت کے لیے سعودی عرب میں دوبارہ داخلے پر پابندی عائد کر دی جائے گی۔

اگر کوئی رہائشی بغیر اجازت کے عازمین حج کو لے جاتے ہوئے پکڑا جاتا ہے تو اسے سزا کاٹنے کے بعد ملک بدر کردیا جائے گا اور مقررہ مدت کے لئے مملکت میں دوبارہ داخل ہونے سے روک دیا جائے گا۔