علی امین گنڈا پور کا کہنا ہے کہ جب تک وزیراعلٰی ہوں فاٹا ہو یا پاٹا کوئی ٹیکس نہیں لگا سکتا، اپنا حق لینا اورچھیننا اچھی طرح جانتے ہیں۔

وزیراعلٰی کے پی علی امین گنڈا پور نے خطاب میں کہا کہ بھٹوکواقتداردینے کے لیے پاکستان کے ٹکڑے کیے گئے تھے، جس کےلیے پاکستان ٹوٹا اس کو بھی پھانسی ہوگئی، شخصیات کے فیصلےملک اور اداروں کو تباہ کر رہے ہیں۔

علی امین گنڈاپورنے کہا کہ پختون قوم آزادی کے بعد بھی لڑی اور سب سے آگے تھی، جب تک وزیراعلیٰ ہوں فاٹا ہویاپاٹاکوئی ٹیکس نہیں لگاسکتا، ہمارا فیصلہ عوام کرینگے کہیں اورسے فیصلے نہیں ہونگے، اپنا حق لینا اورچھیننا اچھی طرح جانتے ہیں۔

وزیراعلیٰ خیبرپختون خوا نے کہا کہ پختون کے خون پر مزید سمجھوتہ نہیں کرینگے، جبر کرکے ہمارے لوگوں کوہمارے خلاف استعمال کیا گیا، ہم خاموش اورانتظارمیں ہیں کہ بانی پی ٹی آئی ہمیں نکلنے کا کہیں، کس سے پوچھوں کہ میرامجرم کون ہے؟ کیا میرا مجرم آصف زرداری، مریم نواز، آئی جی پنجاب ہے؟

علی امین گنڈاپورنے خطاب میں کہا کہ کسی کا باپ بھی یہاں انڈسٹری نہیں لگا سکتا، جبر کرکے ہمارے لوگوں کوہمارے خلاف استعمال کیا گیا، آئین توڑنے والے سن لیں ایک وقت آئے گا ان کو پھانسی پر لٹکائیں گے۔