انضمام الحق کا ٹی ٹوئنٹی ورلڈکپ کے دوران بھارت پر بال ٹیمپرنگ کا الزام

ویب ڈیسک

26th Jun, 2024. 07:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انضمام الحق کا ٹی ٹوئنٹی ورلڈکپ کے دوران بھارت پر بال ٹیمپرنگ کا الزام

سابق کپتان انضمام الحق نے ٹی ٹوئنٹی ورلڈکپ کے دوران بھارت پر بال ٹیمپرنگ کا الزام عائد کردیا۔

مقامی نیوز چینل پر گفتگو کرتے ہوئے پاکستان کرکٹ ٹیم کے سابق کپتان انضمام الحق نے آئی سی سی پر زور دیا کہ وہ اپنی آنکھیں کھلی رکھیں اور اس مبینہ بدعنوانی کے خلاف فوری کارروائی کریں۔

انہوں نے کہا کہ ٹی ٹوئنٹی ورلڈکپ کے سپر 8 مرحلے میں آسٹریلیا اور بھارت کے درمیان میچ کے 15 ویں اوور میں ارشدیپ سنگھ کی گیند ریورس سوئنگ کررہی تھی جب کہ نئی گیند اتنی جلدی ریورس نہیں ہوتی۔

سابق کپتان کا کہنا تھا کہ اس کا مطلب ہے کہ گیند 12 ویں یا 13 ویں اوور تک ریورس سوئنگ کے لئے تیار تھی۔

انضمام الحق نے مطالبہ کیا کہ کھیل کو مزید صاف بنانے کے لیے اس معاملے کی فوری جانچ پڑتال کی جائے۔