بھارت میں قیامت خیز گرمی؛ انتخابی عملے سمیت 50 سے زائد افراد ہلاک

ویب ڈیسک

01st Jun, 2024. 02:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت میں قیامت خیز گرمی؛ انتخابی عملے سمیت 50 سے زائد افراد ہلاک

نئی دہلی: بھارت میں قیامت خیز گرمی سے انتخابی عملے کے 25 اہلکاروں سمیت 50 سے زائد افراد ہلاک ہوگئے۔

بھارت میں شدید گرمی کی لہر برقرار ہے جب کہ دارالحکومت نئی دہلی میں درجہ حرارت 53 ریکارڈ کیا گیا ہے۔

بھارتی ریاستیں نئی دلی، پنجاب، ہریانہ، چندی گڑھ، یوپی، مدھیہ پردیش، بہار، اڑیسہ اور جھاڑکھنڈ ہیٹ ویو کی لپیٹ میں ہیں۔

بھارتی میڈیا کے مطابق 48 گھنٹوں میں ہیٹ اسٹروک سے اموات کی تعداد 50 سے تجاوز کرگئی ہے جب کہ ہیٹ اسٹروک سے ہلاک ہونے والوں میں انتخابی عملے کے 25 اہلکار بھی شامل ہیں۔

بھارتی ریاست بہار میں ہیٹ ویو سے 29 افراد ہلاک ہوئے، گرمی کی شدید لہر سے اموات بہار، اتر پردیش اور اڑیسہ کی ریاستوں میں ہوئیں۔

بھارتی محکمہ موسمیات کے مطابق بھارت کے مختلف علاقوں میں مزید 2 روز تک ہیٹ ویو جاری رہنے کا امکان ہے۔