کینیا کے صدر نے مہلک احتجاج کے بعد ٹیکس منصوبہ واپس لے لیا

ویب ڈیسک

26th Jun, 2024. 09:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کینیا کے صدر نے مہلک احتجاج کے بعد ٹیکس منصوبہ واپس لے لیا

کینیا کے صدر ولیم روٹو نے کہا ہے کہ وہ ٹیکسوں میں متنازع اضافے سے متعلق فنانس بل واپس لے لیں گے۔

قوم سے خطاب کرتے ہوئے انہوں نے کہا کہ یہ واضح ہے کہ کینیا کے عوام اس بل سے کوئی لینا دینا نہیں چاہتے۔ انہوں نے کہا کہ میں تسلیم کرتا ہوں کہ وہ اس بل پر دستخط نہیں کریں گے۔

کینیا نیشنل کمیشن آن ہیومن رائٹس (کے این ایچ آر سی) کے مطابق منگل کے روز اس بل کے خلاف ہونے والے مظاہروں میں کم از کم 22 افراد ہلاک ہوئے۔

مسٹر روٹو نے کہا کہ وہ اب ان نوجوانوں کے ساتھ بات چیت کریں گے جو 2022 میں منتخب ہونے کے بعد ملک میں ہونے والے سب سے بڑے مظاہروں میں سب سے آگے تھے۔

اس بل کو ملک گیر مظاہروں کے باوجود منگل کے روز پارلیمنٹ نے منظور کیا تھا۔

مظاہرین نے پارلیمنٹ میں گھس کر توڑ پھوڑ کی اور کمپلیکس کے کچھ حصوں میں آگ لگا دی، جبکہ پولیس کی فائرنگ سے 22 شہری ہلاک ہو گئے تھے۔