اسرائیل کی جانب سے نصیرت کیمپ میں یرغمالیوں کی رہائی کے لیے آپریشن کے دوران شدید بمباری کے نتیجے میں شہید ہونے والے فلسطینیوں کی تعداد 210 ہوگئی ہے۔
غیر ملکی خبررساں ادارے کے مطابق اسرائیل کی جانب سے غزہ کے علاقے نصیرت میں 4 یرغمالیوں کی رہائی کے لیے آپریشن کیا گیا، اس دوران اسرائیلی بمباری کے نتیجے میں 210 فلسطینی شہید ہوچکے ہیں جب کہ سیکڑوں کے تعداد میں فلسیطنی زخمی ہوئے ہیں۔
اسرائیلی فوج کے مطابق حماس نے 7 اکتوبر 2023 کے حملے کے بعد ان 4 افراد کو نوا میوزک فیسٹول سے یرغمال بنایا تھا۔ بازیاب کرائے گئے یرغمالیوں کی شناخت 25 سالہ نوا ارگمانی، 21 سالہ الموگ میر جان، 27 سالہ آندرے کوزلوف اور 40 سالہ شلومی زیو کے نام سے ہوئی۔
اسرائیلی وزیر اعظم بنجمن نیتن یاہو نے اس آپریشن کے بعد غزہ میں مزید خونی کارروائیوں کا اعلان کرتے ہوئے کہا کہ اسرائیل اپنے یرغمالیوں کی واپسی کے لیے ایسی مزید کارروائیاں کرے گا۔
Advertisement
حماس کی جانب سے جاری بیان میں کہا گیا کہ اس آپریشن میں امریکی مدد نے ایک بار پھر ثابت کردیا کہ امریکا اسرائیل کے جنگی جرائم میں برابر کا شریک ہے۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
