ٹی 20 ورلڈ کپ، بنگلہ دیش نے نیدرلینڈز کو 25 رنز سے شکست دے دی

ویب ڈیسک

13th Jun, 2024. 11:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹی 20 ورلڈ کپ، بنگلہ دیش نے نیدرلینڈز کو 25 رنز سے شکست دے دی

آئی سی سی مینز ٹی 20 ورلڈ کپ کے 27 ویں میچ میں بنگلہ دیش نے نیدرلینڈز کو 25 رنز سے شکست دے دی۔

بنگلہ دیش نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 159 رنز بنائے تھے، نیدرلینڈز کی ٹیم 20 اوورز میں 8 وکٹوں کے نقصان پر 134 رنز بنا سکی۔

میگا ایونٹ کے ڈی گروپ سے تعلق رکھنے والی بنگلہ دیش اور نیدرلینڈز کے مابین کنگز ٹاؤن، سینٹ ونسینٹ میں کھیلے جانے والے اس میچ میں نیدرلینڈز نے ٹاس جیت کر پہلے فیلڈنگ کا فیصلہ کیا۔

بنگلہ دیش کے تنزید حسن نے 35 رنز بنائے، آل راؤنڈر شکیب الحسن نے 64 رنز کی ناقابل شکست اننگ کھیلی، محمود اللہ نے 25 اور ذاکر علی نے 14 رنز بنائے۔

نیدرلینڈز کی جانب سے آریان دت اور وین میکرین نے 2،2 کھلاڑیوں کو آؤٹ کیا۔

ہدف کے تعاقب میں نیدرلینڈز کی پہلی وکٹ 22 رنز پر گری، مائیکل لیوٹ 18 رنز بنا کر آؤٹ ہوئے، میکس 12، وکرما جیت سنگھ 26، سائی برینڈ 33 اور اسکاٹ ایڈورڈز نے 25 رنز بنائے۔

بنگلہ دیش کی جانب سے رشاد حسین نے 3 اور تسکین احمد نے 2 وکٹیں حاصل کیں ، جبکہ مستفض الرحمان، تنظیم حسن اور محمود اللہ نے 1،1 کھلاڑی کو آؤٹ کیا۔