پی آئی اے کا انتظار طویل ہو گیا، یورپی کمیشن نے اپنا فیصلہ مؤخر کر دیا

ویب ڈیسک

03rd Jun, 2024. 12:23 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی آئی اے کا انتظار طویل ہو گیا، یورپی کمیشن نے اپنا فیصلہ مؤخر کر دیا

پی آئی اے کا برطانیہ اور یورپی ممالک میں دوبارہ فلائٹ آپریشن شروع کرنے کا انتظار اب مزید طویل ہو گیا ہے۔

یورپی کمیشن نے قومی ایئرلائن پی آئی اے پر برطانیہ اور یورپی ممالک میں پروازوں کی پابندی اٹھانے کا اپنا فیصلہ کچھ عرصے کے لیے مؤخر کر دیا ہے۔

ذرائع کے مطابق اپنا پابندی کا فیصلہ برقرار رکھنے کی اصل وجہ یورپی کمیشن کے اقدامات پر عملدرآمد نہ کرنا ہے۔

واضح رہے کہ یورپی یونین کے 31 مئی کو ہونے والے اجلاس میں پیش کی گئی رپورٹ میں سول ایوی ایشن میں پیشہ ورانہ قابلیت کے حامل افسران کو تعینات کرنے کی تجویز دی گئی تھی جس پر سول ایوی ایشن عملدرآمد کرنے میں ناکام رہا ہے۔

یاد رہے کہ قومی ایئرلائن پی آئی اے پر برطانیہ اور یورپی میں ممالک میں گزشتہ چار سال سے اپنا فلائٹ آپریشن چلانے پر پابندی عائد ہے، جس کی سب سے بڑی وجہ غیر پیشہ ورانہ عملے کی تعیناتی اور غیر سنجیدہ رویہ ہے۔

ذرائع کے مطابق یورپی یونین کی جانب سے پابندی میں توسیع کی وجہ سے قومی ایئرلائن پی آئی اے کی نجکاری کے منصوبے پر بھی منفی اثرات مرتب ہوں گے۔