سینیٹ کی قائمہ کمیٹی خزانہ میں سینیٹر فیصل واوڈا بڑا اسکینڈل سامنے لے آئے

عمر حیات خان

20th Jun, 2024. 07:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سینیٹ کی قائمہ کمیٹی خزانہ میں سینیٹر فیصل واوڈا بڑا اسکینڈل سامنے لے آئے

اسلام آباد: سینیٹ کی قائمہ کمیٹی برائے خزانہ میں سینیٹر فیصل واوڈا نے بڑا انکشاف کردیا۔

سینیٹر فیصل واوڈا نے سینیٹ کی قائمہ کمیٹی برائے خزانہ میں بڑا انکشاف کرتے ہوئے بتایا کہ بیشتر ارکان پارلیمنٹ کے پاس اسمگلڈ گاڑیاں ہیں، گزشتہ تاریخوں میں نوٹیفکیشن کیا جارہا ہے جو کہ جرم ہے۔

سینیٹر فیصل واوڈا نے بتایا کہ وزیر خزانہ اور وزیر صنعت کو معلوم ہی نہیں ہے جب کہ ایک پالیسی دی گئی اور بعد میں اس میں تبدیلی کرکے سرمایہ کاری کو نقصان پہنچایا گیا۔

فیصل واوڈا کہتے ہیں کہ ایس آئی ایف سی کی پالیسی کو سبوتاژ کیا جارہا ہے، مجھے یہ پتا ہے کہ کون کون اس میں ملوث ہے ایک سیکنڈ نہیں لگے گا نام لینے میں۔

انہوں نے کہا کہ میں کاروباری آدمی ہوں مجھے معلوم ہے اسیکنڈل میں کون کون ملوث ہے، نوٹیفکیشن 12 فروری کا نکالا گیا مگر ابھی جاری کیا گیا۔

فیصل واوڈا نے مزید کہا کہ آرٹیکل 73 کو نکالنا کریمنل جرم ہے، وزیر خزانہ، وزیر صنعت، متعلقہ سیکرٹریز اور چیئرمین ایف بی آر کو بلا کر پوچھیں۔

دوسری جانب سینیٹر منظور کاکڑ نے کہا کہ یہ کوئی چھوٹا اسکینڈل نہیں بلکہ بڑا اسکینڈل ہے اور میں سینیٹر فیصل واوڈا کی بات سے اتفاق کرتا ہوں۔