لکی مروت میں سیکیورٹی فورسز کا آپریشن؛ 11 دہشت گرد جہنم واصل

سلمان علی اعوان

11th Jun, 2024. 04:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لکی مروت میں سیکیورٹی فورسز کا آپریشن؛ 11 دہشت گرد جہنم واصل

راولپنڈی: سیکیورٹی فورسز نے لکی مروت میں انٹیلیجنس بیسڈ آپریشن کرتے ہوئے 11 دہشت گردوں کو جہنم واصل کردیا۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے 10 اور 11 جون کی رات آئی ای ڈی حملے میں سات بہادر سپاہیوں بشمول کیپٹن محمد فراز الیاس کی شہادت کے بعد انٹیلیجنس بیسڈ اپریشن کیا۔

آئی ایس پی آر کا کہنا ہے کہ سیکیورٹی فورسز کی کارروائی کے دوران 11 دہشت گرد ہلاک جب کہ کارروائی کے دوران دہشت گردوں کے متعدد ٹھکانے بھی تباہ کردیے گئے ہیں۔

آئی ایس پی آر نے بتایا کہ علاقے میں دہشت گردوں کا مکمل خاتمہ یقینی بنانے کے لیے سینیٹائزیشن آپریشن جاری ہے۔

ترجمان پاک فوج کا کہنا تھا کہ پاکستان کی سیکیورٹی فورسز وطن عزیز سے دہشت گردی کی لعنت کے خاتمے کے لیے پرعزم ہے۔