شمالی کوریا کا میزائل لانچ ممکنہ طور پر ناکام، جنوی کوریا کا دعویٰ

ویب ڈیسک

26th Jun, 2024. 08:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شمالی کوریا کا میزائل لانچ ممکنہ طور پر ناکام، جنوی کوریا کا دعویٰ

جنوبی کوریا کی فوج کے مطابق، شمالی کوریا نے بدھ کو علی الصبح بیلسٹک میزائل کا ناکام تجربہ کیا ہے۔ اس میزائل لانچ کا تجزیہ کیا جا رہا ہے۔

فوج کے جوائنٹ چیفس آف اسٹاف کا کہنا ہے کہ میزائل کو پیانگ یانگ یا اس کے آس پاس علاقے سے صبح ساڑھے پانچ بجے لانچ کیا گیا تھا، لیکن یہ تجربہ بظاہر ناکامی سے دوچار ہوا ہے۔ مبینہ طور پر یہ میزائل بحیرہ جاپان کی طرف فائر کیا گیا تھا۔

جنوبی کوریا کی سرکاری خبر ایجنسی نے ایک فوجی ذریعے کا حوالہ دیتے ہوئے کہا کہ شمالی کوریا نے بظاہر ہائپر سونک میزائل کا تجربہ کیا ہے، لیکن خیال کیا جاتا ہے کہ 250 کلومیٹر پرواز کرنے کے بعد یہ لانچ ناکامی سے دوچار ہوا ہے۔

فوج کا کہنا ہے کہ جنوبی کوریا اور امریکی فوج اس میزائل لانچ کا تفصیلی تجزیہ کر رہی ہیں۔

30 مئی کے بعد شمالی کوریا کی جانب سے بیلسٹک میزائل فائر کیے جانے کا یہ پہلا واقعہ ہے۔

اس میزائل لانچ سے پہلے پُوسان میں امریکی طیارہ بردار بحری جہاز کی آمد کے جواب میں پیانگ یانگ نے جوابی اقدامات کے لیے خبردار کیا تھا۔

امریکی یو ایس ایس تھیوڈور روزویلٹ، افتتاحی سہ فریقی فریڈم ایج مشق میں حصہ لے گا۔ اس مشق میں جاپان، امریکہ اور جنوبی کوریا شامل ہیں۔