
سندھ کا مالی سال 2024-25 کا بجٹ ٹیکس فری رکھنے کا فیصلہ
کراچی: سندھ کا نئی مالی سال کا بجٹ وزیر اعلیٰ سندھ سید مراد علی شاہ کل شام اسمبلی اجلاس میں پیش کریں گے۔
سندھ کا 2024-25 کا بجٹ ٹیکس فری ہوگا، ترقیاتی بجٹ 830 ارب روپے مختص کرنے کی تجویز ہے جب کہ نئی ملازمتوں اور فرنیچر وغیرہ کے لئے 16 ارب 80 کروڑ روپے مختص کرنے کی تجویز ہے۔
پانچ ہزار نئی ملازمتوں میں 3 ہزار اسامیاں محکمہ ایجوکیشن کی ہوں گی، نئے مالی سال میں غیرترقیاتی اخراجات کی مد میں 18 کھرب 99 ارب 40 کروڑ روپے مختص کرنے کی تجویز ہے۔
غیرترقیاتی اخراجات میں تنخواہیں، پینشن، قرضوں کے سود، فرنیچر اور دیگر اشیاء شامل ہیں جب کہ تعلیم پر 400 ارب روپے مختص کرنے کی تجویز ہے۔
محکمہ صحت کے لئے 275 ارب روپے مختص کرنے کی تجویز ہے، محکمہ بلدیات کے لئے 155 ارب رکھنے کی تجویز ہے جب کہ امن و امان کی بحالی پر 170 ارب روپے رکھے گئے ہیں۔
ذرائع کے مطابق محکمہ خزانہ نے نئے مالی سال کی بجٹ کتابوں کی اشاعت شروع کرادی ہے، کل سندھ اسمبلی میں پیش ہونے والے بجٹ کی تمام کتابیں آج شائع کردی جائیں گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News