حج 2024 میں مناسک حج کی ادائیگی کے لیے آنے والے 14 اردنی حاجی ہلاک ہو ئے جبکہ 17 لاپتہ ہیں۔

اردن کی وزارت خارجہ اور تارکین وطن کے ڈائریکٹوریٹ آف آپریشنز اینڈ قونصلر افیئرز نے اعلان کیا ہے کہ حج کی ادائیگی کے دوران اردن کے 14 عازمین ہلاک اور 17 لاپتہ ہوگئے ہیں۔

اردنی وزارت حجاج کرام کی تدفین کے طریقہ کار پر متعلقہ سعودی حکام کے ساتھ مکمل رابطے میں ہے۔

اردن خبر رساں ادارے کے مطابق ڈائریکٹوریٹ آف آپریشنز اینڈ قونصلر افیئرز کے سربراہ سفیر سفیان قدا نے اس بات پر زور دیا کہ وزارت حجاج کرام کی تدفین اور ان کی لاشوں کو جلد از جلد مملکت منتقل کرنے کے طریقہ کار پر متعلقہ سعودی حکام کے ساتھ بات چیت کر رہی ہے۔

اس کے علاوہ، وہ لاپتہ ہونے والے 17 زائرین کی تلاش جاری رکھے ہوئے ہیں۔

سعودی عرب کے حکام نے خبردار کیا ہے کہ عازمین حج دوران حج اوسط درجہ حرارت 44 ڈگری سینٹی گریڈ تک پہنچ سکتا ہے۔ پچھلے سال، حج میں گرمی کے دباؤ کے ہزاروں واقعات دیکھے گئے تھے۔

نیشنل میٹرولوجی سینٹر کے سربراہ ایمن غلام نے ایک پریس کانفرنس کے دوران کہا کہ اس سال حج کے لیے متوقع آب و ہوا میں مکہ مکرمہ اور مدینہ منورہ میں اوسط درجہ حرارت معمول سے ڈیڑھ سے دو ڈگری زیادہ ہوگا۔