مکہ مکرمہ آج سعودی عرب کا گرم ترین شہر قرار

ویب ڈیسک

06th Jun, 2024. 06:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مکہ مکرمہ آج سعودی عرب کا گرم ترین شہر قرار

ریاض: سعودی دارالحکومت سمیت دیگر علاقے میں شدید گرمی کی لہر جاری ہے جب کہ مکہ مکرمہ آج گرم ترین شہر ہے جہاں کا درجہ حرارت 48 ڈگری سینٹی گریڈ تک پہنچ چکا ہے۔

سعودی عرب میں موسم گرما کی شدت آہستہ آہستہ بڑھ رہی ہے، دارالحکومت ریاض سمیت منطقہ شرقیہ کے شہروں کے علاوہ دیگر علاقوں میں اس وقت شدید گرمی کی لہر جاری ہے۔

ریاض اور ملحقہ علاقوں میں 46 ڈگری سینٹی گریڈ گرمی کی شدت ریکارڈ کی جا رہی ہے جب کہ مکہ مکرمہ آج سعودی عرب کا گرم ترین شہر ہے جہاں گرمی کی شدت 48 ڈگری سینٹی گریڈ تک پہنچ چکی ہے۔

سعودی حکام نے عازمین حج اور زائرین کو کھلے مقامات سے دور رہنے اور دھوپ سے بچنے کی ہدایت کی ہے۔

دوسری طرف موسمیات کے عالمی ادارے نے کہا ہے کہ کل بدھ کو عرفات دنیا کے گرم ترین خطوں کی فہرست میں اول نمبر پر تھا۔

گذشتہ روز عرفات میں درجہ حرارت 48 سینٹی گریڈ ریکارڈ کیا گیا تھا، منیٰ میں 47.8 اور مدینہ منورہ میں 47.4 جب کہ الاحسا میں 46.5 سینٹی گریڈ ریکارڈ کیا گیا تھا۔