شازیہ مری کا کہنا ہے کہ تنقید برائے تنقید پر نہ میری جماعت اور نہ ہی میں یقین رکھتی ہوں، آصف زرداری کے سیاسی تجربے سے حکومت کوفائدہ اٹھاناچاہیے۔

اسلام آباد میں پاکستان پیپلرپارٹی کی مرکزی سیکریٹری اطلاعات رہنما شازیہ مری نے کہا ہے کہ میں اپنے گاؤں کی بات کروں وہاں وولٹیج اتنا کم آتا ہے، میرے گاؤں میں بجلی سے کوئی چیزچل نہیں سکتی، جل سکتی ہے، لوڈشیڈنگ کی پورے پاکستان سے آوازیں اٹھ رہی ہیں۔

شازیہ مری نے کے کہا کہ ملک سے بے جا سبسڈیزکوختم کیاجائے، لوڈشیڈنگ نے ہمیں کہیں کا نہیں چھوڑا، منسٹرصاحب کی خوبصورت اسٹیٹمنٹ سے ہماری بجلی نہیں آتی، تنقید برائے تنقید پرنہ میری جماعت اور نہ ہی میں یقین رکھتی ہوں۔

انھوں نے کہا کہ ہم منسٹر صاحب پرتنقید نہیں اصلاح کررہے ہیں، منسٹر صاحب کہتے ہیں کہیں پربھی 10 گھنٹے سے زیادہ لوڈشیڈنگ نہیں ہے، یہ انکی خواہش ہوگی لیکن سندھ کی بات کریں تو20 گھنٹے کی لودشیڈنگ ہے۔

شازیہ مری نے کہا کہ سندھ حکومت یونیورسیٹزکیلئے رکھے گئے فنڈ کو30ارب کرنےجارہی ہے، آصف زرداری نے اپنی تقریرمیں بہت اہم گفتگوکی، آصف زرداری کے سیاسی تجربے سے حکومت کوفائدہ اٹھاناچاہیے۔

انھوں نے کہا کہ ایک مسئلہ جو عوام کیلئے اذیت بنا ہوا ہے لوڈشیڈنگ ہے، 20،20 گھنٹے کی لوڈشیڈنگ نے زندگی عذاب کردی ہے، حکومت کی اولین ترجیح عوام کو ریلیف دینا ہے، صدرمملکت کہتے ہیں عوام کو مہنگائی سے ریلیف دیناچاہیے۔

شازیہ مری نے مزید کہا کہ بڑے بڑے لوگوں کو ریلیف کے بجائے متوسط طبقےکودیناچاہیے، پی پی پارلیمنٹیرینزکی بجٹ سے پہلے منگل کومیٹنگ ہے، بجٹ آنے والاہے، وفاق اور صوبوں کوبیٹھ کرپلان بنانا چاہیے، آصف زرداری کی سیاسی بصیرت سے حکومت کوفائدہ اٹھاناچاہیے۔