پشاور میں دھماکہ؛ 11 افراد زخمی

ظاہر شاہ شیرازی

29th Jun, 2024. 02:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پشاور میں دھماکہ؛ 11 افراد زخمی

پشاور میں شیلٹن گیسٹ ہاؤس میں گیس سلینڈر دھماکے کے نتیجے میں 11 افراد زخمی ہوگئے۔

پشاور یونیورسٹی ٹاؤن میں شیلٹن گیسٹ ہاؤس میں گیس سلینڈر دھماکہ ہوا جس کے نتیجے میں کئی افراد جھلس گئے ہیں۔

گیس دھماکے کے 11 زخمیوں کو خیبر ٹیچنگ اسپتال منتقل کیا گیا ہے جن میں سے 2 کی حالت تشویش ناک بتائی جارہی ہے۔

ترجمان کے ٹی ایچ سجاد خان کے مطابق گیس دھماکے میں مرد، خواتین اور بچے جھلس گئے ہیں جب کہ گیس سلینڈر دھماکے کے بعد اسپتال میں ایمرجنسی نافذ کردی گئی۔

تمام اسٹاف ہائی الرٹ ہیں اور کے ٹی ایچ کے ڈائریکٹر اسپتال سمیت میڈیکل ڈائریکٹر بھی موقع پر موجود ہیں۔

ترجمان کا کہنا ہے کہ اسپتال ایمںولینسز کے ذریعے مریضوں کو منتقل کیا جارہا ہے، گیسٹ ہاؤس آگ لگنے اور چھت گرنے سے مزید زخمیوں کی اطلاعات ہیں۔

ترجمان نے مزید بتایا کہ اسپتال لانے والے زخمیوں میں 5 خواتین اور 6 مرد شامل ہیں جب کہ زخیموں کو نکالنے اور آگ بجھانے کے لیے ریسکیو 1122 کی مزید کارروائی جاری ہے۔