وزیراعظم کا کہنا ہے کہ چینی کمپنیوں کے ساتھ زراعت کے شعبے میں معاہدے کیے جائیں گے، امید ہے چینی قیادت ہماراساتھ دے گی۔ 

وزیراعظم شہبازشریف نے چینی میڈیاکوانٹرویودیتے ہوئے کہا ہے کہ ون بیلٹ ون روڈ صدرشی جن پنگ کاشاندارمنصوبہ ہے، دنیا میں امن کے بغیرترقی اورخوشحالی ممکن نہیں۔

وزیراعظم نے کہا کہ سی پیک ون بیلٹ ون روڈ کا حصہ ہے، سی پیک کے تحت پاکستان میں بے پناہ ترقی ہوئی، سی پیک کے تحت متعدد ترقیاتی منصوبے لگے، تیل کے مقابلے میں کوئلے سے سستی بجلی بنائی جاسکتی ہے۔

وزیراعظم شہبازشریف نے انٹریو میں کہا کہ اللہ تعالیٰ نے تھرکول کی صورت میں پاکستان کوبڑا ذخیرہ دیا، تھرکول سے بجلی بنے گی، کوئلہ درآمد کرنے سے اربوں روپے کی بجت ہوگی۔

یہ خبر بھی پڑھیں؛ وزیراعظم 5 روزہ سرکاری دورے پر چین پہنچ گئے

انھوں نے کہا کہ سی پیک کے تحت پاکستان میں سرمایہ کاری کیلئے چینی صدرکامشکورہوں، سی پیک ایک نئے مرحلے میں داخل ہورہا ہے، بی ٹو بی سی پیک کا سب سے اہم جزو ہوگا۔

وزیراعظم شہباز شریف نے کہا کہ زراعت میں ہم چین کےتجربے سے مدد حاصل کرنا چاہتے ہیں، چینی کمپنیوں کے ساتھ زراعت کے شعبے میں معاہدے کیے جائیں گے، امید ہے چینی قیادت ہماراساتھ دے گی۔

وزیراعظم شہبازشریف کادورہ چین

وزیراعظم سے چینی کمیونسٹ پارٹی کے شینزن کےسربراہ کی ملاقات ہوئی، وزیراعظم سے صوبہ گوانگڈونگ کےنائب سربراہ مینگ فین لی کی بھی ملاقات ہوئی۔

مینگ فین لی نے وزیراعظم شہبازشریف کا سینزن آنے پرخیرمقدم کیا۔ وزیراعظم شہبازشریف کوشینزن کے حوالے سے تفصیلی طور پرآگاہ کیا۔

وزیراعظم نے کہا کہ کئی سال بعد شینزن آکرخوشی ہوئی، شینزن حکومت اورعوام کی مہمان نوازی پرمشکورہوں، پاکستان اورچین کی دوستی ہمالیہ سےاونچی اورشہد سےمیٹھی ہے۔