مالدیپ نے اسرائیلی پاسپورٹ رکھنے والوں کے ملک میں داخلے پر پابندی لگا دی

ویب ڈیسک

03rd Jun, 2024. 01:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مالدیپ نے اسرائیلی پاسپورٹ رکھنے والوں کے ملک میں داخلے پر پابندی لگا دی

خوبصورت ساحلوں اور جزیروں کی سیاحت کے لیے مشہور ملک مالدیپ نے اسرائیلی پاسپورٹ رکھنے والے لوگوں کے ملک میں داخلے پر پابندی لگا دی۔

مالدیپ کے صدراتی دفتر سے جاری بیان میں کہا گیا کہ کابینہ نے اسرائیلی شہریوں کے ملک میں داخلے سے متعلق قوانین میں تبدیلی کا فیصلہ کیا ہے۔اسرائیلی پاسپورٹ ہولڈرز کے داخلے پر پابندی عائد کی جارہی ہے۔

صدراتی دفتر کی جانب سے مزید کہا گیا کہ یہ فیصلہ فلسطینیوں سے اظہار یکجہتی کے لیے کیا گیا ہے اور فلسطینیوں کی امدادی مہم کے لیے مالدیپ کے صدر محمد معیزو خصوصی ایلچی بھی تعینات کریں گے۔

خیال رہے کہ خوبصورت سیاحتی مقامات کے لیے مشہور مالدیپ میں گزشتہ سال 11 ہزار اسرائیلی سیاح آئے تھے۔

دوسری جانب اسرائیلی حکومت نے بھی اسرائیلی شہریوں کو مالدیپ کا سفر نہ کرنے کا مشورہ دیا تھا اور وہاں موجود اسرائیلی شہریوں کو بھی ملک چھوڑنے کی تجویز دی ہے۔