وزیراعظم نے کہا کہ چین کی ترقی سے استفادہ کیلئے ایک ہزارنوجوانوں کوچین بھیجیں گے، ہواوے ہرسال 2 لاکھ نوجوانوں کو آئی ٹی میں تربیت فراہم کرے گی۔

وزیراعظم شہبازشریف کی زیرصدارت وفاقی کابینہ کااجلاس منعقد ہوا جس میں وزیراعظم نے کابینہ کوحالیہ دورہ چین کے بارے میں اعتماد میں لیا۔

اجلاس کے دوران وزیراعظم شہبازشریف نے کہا کہ دورے کے دوران سی پیک کے دوسرے مرحلے پرمثبت گفتگوہوئی، ایک اعلیٰ سطح چینی حکام کا وفد جلد پاکستان کا دورہ کرے گا، پاکستانی اورچینی سرمایہ کاروں کےدرمیان ملاقاتیں ہوئیں۔

وزیراعظم نے کہا کہ چین کی ترقی سے استفادہ کیلئے ایک ہزارنوجوانوں کوچین بھیجیں گے، زرعی شعبے میں تربیت کیلئے ایک ہزارنوجوانوں کوچین بھیجیں گے، ہواوے ہرسال 2 لاکھ نوجوانوں کو آئی ٹی میں تربیت فراہم کرے گی۔

کابینہ کے اجلاس میں نیشنل اسکول پبلک پالیسی میں تعلیمی شعبے سے ممبران کی تعیناتی اورنیشنل کمیشن فارہیومن رائٹس کے رکن کی تعیناتی کیلئےکمیٹی کی منظوری دی گئی۔

اجلاس میں 13 اور20 مئی کو منعقد ہونے والے اجلاسوں میں کیے گئے فیصلوں کی توثیق کی گئی۔

اعلامیے میں کہا گیا کہ نیشن اسکول فارپبلک پالیسی ممبران کا تعلق نجی اورتعلیمی شعبے سے ہوگا، نیشنل کمیشن فارہیومین رائیٹس  کمیٹی رکن کی تعیناتی کاعمل شروع کرے گی، ڈیجیٹل نیشن پاکستان ایکٹ2024کی اصولی منظوری دےدی گئی۔

اعلامیے کے مطابق وزارتِ قانون وانصاف کوضروری نظرثانی کی ہدایت کی گئی۔ نیشنل ڈیجیٹل کمیشن اورپاکستان ڈیجیٹل اتھارٹی کی تشکیل دی جائیں گی، معیشت کی ڈیجیٹائزیشن اورپیپرلیس گورننس کے ہدف کوحاصل کیا جاسکے گا۔

اعلامیے میں کہا گیا کہ بل کے تحت نیشنل ڈیجیٹل کمیشن پالیسی سازادارہ ہوگا، نیشنل ڈیجیٹل کمیشن کی سربراہی وزیراعظم خود کریں گے، پاکستان ڈیجیٹل اتھارٹی قائم کی جائے گی، پاکستان ڈیجیٹل اتھارٹی کارپوریٹ ادارہ ہوگا، ایکٹ کا مقصد جدید ڈیجیٹل نظام سے ہم آہنگ کرنا ہے۔

وفاقی کابینہ نےثالثی قانون کےمسودے پرقانون سازی کی اصولی منظوری دےدی، کابینہ نے ثالثی قانون کے حوالے سے صوبوں کے ساتھ مشاورت کی بھی منظوری دی۔

نیب اورسری لنکا کے انسدادکرپشن کےادارے کے مابین یادداشت پردستخط کرنےکی منظوری کے ساتھ اقتصادی رابطہ کمیٹی کے 27 ،23 مئی کے اجلاسوں میں کیے گئے فیصلوں اورکابینہ کمیٹی برائے لیجسلیٹوکیسزکے 5 جون کے اجلاس میں کیے گئے فیصلوں کی بھی توثیق کی گئی۔