کراچی میں گرمی کی شدت کے ساتھ اموات کی شرح میں اضافہ

خرم گلزار

18th Jul, 2024. 01:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں گرمی کی شدت کے ساتھ اموات کی شرح میں اضافہ

کراچی: شہر قائد میں گرمی کی شدت کے ساتھ ہی تین روز کے دوران اموات کی شرح میں اضافہ ریکارڈ کیا گیا ہے۔

ایدھی حکام کے مطابق تین روز کے دوران سرد خانوں میں 222 میتیں لائی گئیں، گزشتہ روز 84 لاشیں ایدھی سرد خانوں میں لائی گئی۔

ایدھی حکام نے بتایا کہ 16 جولائی کو 71 میتیں کو سردخانے منتقل کیا گیا جب کہ 15 جولائی کو 67 افراد کی میتیں ایدھی سرد خانے لائی گئیں۔

ایدھی حکام کا کہنا ہے کہ گزشتہ روز گرم ترین دن میں کئی افراد گرمی سے متاثر ہوئے، گرمی سے متاثر ہونے والے افراد کو اسپتال منتقل کیا گیا جب کہ چار لاوارث لاشیں بھی سرد خانے لائی گئیں۔

دوسری جانب محکمہ صحت سندھ کا کہنا ہے کہ گزشتہ روز ہیٹ اسٹروک کے47 کیسز رپورٹ ہوئے جب کہ 2 افراد جاں بحق ہوئے ہیں۔

محکمہ صحت سندھ کے مطابق 22 کیسز سول اسپتال، 22 کیسز ملیر سعودآباد اسپتال اور جناح اسپتال میں 3 کیسز رپورٹ ہوئے جب کہ سول اسپتال میں 2 افراد ہیٹ اسٹروک کے سبب انتقال کرگئے۔