موریطانیہ، تارکین وطن کی کشتی الٹ گئی، 15 افراد ہلاک، 150 لاپتہ

ویب ڈیسک

24th Jul, 2024. 11:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

موریطانیہ، تارکین وطن کی کشتی الٹ گئی، 15 افراد ہلاک، 150 لاپتہ

موریطانیہ میں تارکین وطن کی کشتی الٹنے سے 15 افراد ہلاک جبکہ 150 افراد لاپتہ ہو گئے ہیں۔

رپورٹس کے مطابق کشتی میں گیمبیا سے تعلق رکھنے والے 300 تارکین وطن سوار تھے، جن میں سے 120 افراد کو بچا لیا گیا ہے۔

بین الاقوامی تنظیم برائے مہاجرت (آئی او ایم) نے کہا ہے کہ گیمبیا سے 300 مسافروں کو لے جانے والی ایک کشتی پیر کے روز موریطانیہ کے دارالحکومت نواکچوٹ کے قریب الٹ گئی جس کے نتیجے میں 15 افراد ہلاک اور 150 سے زائد لاپتہ ہو گئے۔

مغربی افریقہ کے ساحل سے جزائر کینری تک اٹلانٹک نقل مکانی کا راستہ، جو عام طور پر اسپین پہنچنے کی کوشش کرنے والے افریقی تارکین وطن کے ذریعہ استعمال کیا جاتا ہے۔

یہ بحری روٹ دنیا کے مہلک ترین راستوں میں سے ایک ہے۔ موسم گرما اس کا مصروف ترین دور ہے۔

آئی او ایم نے بدھ کے روز ایک بیان میں کہا کہ موریطانیہ کے کوسٹ گارڈز نے 120 افراد کو بچایا اور ان میں سے 10 کو فوری طور پر اسپتالوں میں منتقل کردیا گیا جبکہ لاپتہ افراد کی تلاش کی کوششیں جاری ہیں۔

زندہ بچ جانے والے ایک تارکین وطن کا کہنا تھا کہ ہم گزشتہ سات دنوں سے کھلے سمندر میں سفر کر رہے تھے۔