مخصوص نشستوں سے متعلق فیصلہ کل سنائے جانے کا امکان

طیب بلوچ

11th Jul, 2024. 05:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مخصوص نشستوں سے متعلق فیصلہ کل سنائے جانے کا امکان

اسلام آباد: مخصوص نشستوں سے متعلق فیصلہ کل اوپن کورٹ میں سنایا جائے گا۔

ذرائع کے مطابق سپریم کورٹ آف پاکستان میں مخصوص نشستوں کے حوالے سے کیس کے محفوظ کیے کئے فیصلے پر فل کورٹ بینچ نے دوسری مرتبہ مشاورت مکمل کرلی ہے۔

ذرائع کا کہنا ہے کہ مخصوص نشستوں سے متعلق فل کورٹ اجلاس میں مشاورت مکمل کرنے کے بعد کیس کا فیصلہ کل بروز جمعہ کو سنائے جانے کا امکان ہے۔

ذرائع کا مزید کہنا تھا کہ فل کورٹ اجلاس میں مشاورت تقریباً 40 منٹ تک جاری رہی جب کہ آرڈر آف دی کورٹ مکمل ہوگیا ہے اور ججز کے دستخط بھی کرالیے گئے ہیں۔

یاد رہے کہ گذشتہ دنوں سپریم کورٹ نے مخصوص نشستوں سے متعلق کیس کی سماعت مکمل ہونے پر فیصلہ محفوظ کیا تھا۔

چیف جسٹس نے کہا تھا کہ فیصلہ کب سنایا جائے گا ابھی کچھ نہیں کہہ سکتے، فیصلہ سنانے سے متعلق آپس میں مشاورت کریں گے۔

خیال رہے کہ گذشتہ روز بھی چیف جسٹس قاضی فائز عیسیٰ کی صدارت میں اہم مشاورتی اجلاس ہوا تھا جس میں 13 رکنی فل کورٹ میں شامل تمام ججز شریک ہوئے تھے۔

گذشتہ روز کا اجلاس تقریباً ڈیڑھ گھنٹے تک جاری رہا تھا جس میں سنی اتحاد کونسل کی مخصوص نشستوں سے متعلق فیصلے پر تفصیلی مشاورت کی گئی تھی۔