شہید ڈی ایس پی علی رضا کہاں تعینات رہے اور کتنے آپریشن کیے؟
کراچی: کریم آباد میں دہشت گردوں کی فائرنگ سے شہید ہونے والے ڈی ایس پی علی رضا کی دوران سروس خدمات سامنے آگئیں۔
کراچی کے علاقے کریم آباد میں دہشت گردوں کی فائرنگ سے شہید ہونے والے ڈی ایس پی علی رضا 1968 میں پیدا ہوئے اور 1990 میں محکمہ پولیس میں اے ایس آئی بھرتی ہوئے۔
شہید مختلف تھانوں میں بحیثیت ایس ایچ او تعینات رہے، انہوں نے پانچ سال سی آئی اے میں ڈیوٹی انجام دی اور شہید چوھدری اسلم کے قریبی ساتھی رہے۔
شہید علی رضا تحریک طالبان پاکستان، کالعدم جہادی تنظیم اور لیاری گینگ وار سمیت متعدد دہشت گرد تنظیموں کے خلاف آپریشن کا اہم حصہ رہے ہیں۔
شہید گذشتہ 18 سال سے سی ٹی ڈی میں تعینات رہے ہیں جب کہ وہ پانچ بہنوں کے اکلوتے بھائی تھے۔
انہوں نے ایم کیو ایم کے رہنما علی رضا عابدی کے قتل میں ملوث ملزمان کو بھی گرفتار کیا تھا جب کہ 2009 میں لیاری آپریشن کے دوران بھی شہید ڈی ایس پی علی رضا نے اہم کردار ادا کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
