کراچی میں 8، 9 اور 10 محرم الحرام کے لیے ٹریفک پلان جاری کردیا گیا۔

محرم الحرام کا مرکزی جلوس نشتر پارک سے روانہ ہوکراپنے روایتی مقررہ راستوں سے ہوتا ہوا حسینیہ ایرانیاں امام بارگاہ پرپہنچ کر اختتام پذیر ہوگا۔

ہر قسم کی چھوٹی یا بڑی ٹریفک کو گرومندر چوک سے آگے جلوس کے روٹ پر جانے کی اجازت نہیں ہو گی۔اس تمام ٹریفک کو، بہادر یار جنگ روڈ سولجر بازار کی طرف موڑ دیا جائے گا۔

ایم اے جناح روڈ پر ہر قسم کی گاڑی کا داخلہ ممنوع ہے ماسوائے ان گاڑیوں کے جن کی ونڈ اسکرین پر جلوس میں شامل ہونے کا اسٹیکر چسپاں ہوگا۔

جلوس میں شامل ہونے کیلئے  اسٹیکر والی گاڑیوں کو  براستہ شاہراہ قائدین  سوسائٹی لائٹ سگنل سے داخلے کی اجازت ہوگی۔

سیکیورٹی وجوہات کی بناء پر ایم اے جناح روڈ گرومندر سے ٹاور تک بند  رہے گا۔

ناظم آباد سے آنے والے افراد لسبیلہ چوک سے نشتر روڈ اور گارڈن سے ہوتے ہوئے اپنی منزل کی جانب جا سکتے ہیں۔ لیاقت آباد سے آنے والے افراد تین ہٹی سے لسبیلہ چوک سے بائیں جانب ٹرن کرکے سینٹرل جیل کی جانب جا سکتے ہیں۔

حسن اسکوائرسے پیپلز چورنگی چورنگی جانے والے افراد کشمیر روڈ سے شاہراہ قائدین اور جیل فلائی اوور سے  تین ہٹی سے نشتر روڈ  جاسکتے ہیں۔

شاہراہ فیصل سے شاہراہ قائدین اور نمائش جانے والے افراد سوسائٹی لائٹ سگنل سے دائیں جانب کشمیر روڈسے اپنی منزل کی جانب جا سکتے ہیں۔

جمشید روڈ سے گرومندر ایم اے جناح روڈ کی جانب جانے والے افراد گرومندر سے بہاردر یار جنگ روڈ سولجر بازار سے اپنی منزل کی جانب جا سکتے ہیں۔

گارڈن  چڑیا گھر سے ایم اے جناح روڈ جانے والے افراد انکل سریا  سے دائیں جانب گل پلازہ اور بائیں جانب کوسٹ گارڈ  ہولی فیملی ہسپتال  سے اپنی منزل کی جانب جاسکتے ہیں۔

کراچی: راستہ برائے شرکاء جلوس

ناظم آباد سے آنے والے شرکاء لسبیلہ، دائیں جانب گارڈن جماعت خانہ، سولجر بازارنمبر 3 لائٹ سگنل تا نمائش جلوس میں شریک ہوں۔  لیاقت آباد،  تین ہٹی،  جہانگیر روڈ،  گرومندر تا نمائش جلوس میں شریک ہوں۔ سوسائٹی لائٹ سگنل  تا نمائش جلوس میں شریک ہوں۔

گلستان جوہر و گلشن اقبال، یونیورسٹی روڈ، پرانی سبزی منڈی،  کشمیر روڈ،  سوسائٹی لائٹ سگنل تا نمائش جلوس میں شریک ہوں۔

کراچی: راستہ برائے سبیل یا نیاز والی گاڑی

وہ تمام گاڑیاں جو سبیل یا نیاز تقسیم کرنے کے لیے جلوس میں شامل ہوں گی ان گاڑیوں کا جلوس میں انٹری پوائنٹ صرف ٹاور، میمن مسجد ہوگا۔ کسی بھی گاڑی کو جلوس کے روٹ پر گاڑی کھڑی کرنیکی اجازت نہیں ہوگی۔

کراچی: ہیوی ٹریفک کے لیے روٹس

سپر ہائی وے، گلبرگ سے ایم اے جناح روڈ کی طرف جانا چاہے اسے لیاقت آباد نمبر10  سے ناظم آباد چورنگی نمبر2  کی طرف موڑ دیا جائے گا۔

جو براستہ حبیب بینک فلائی اوور،  اسٹیٹ ایونیو روڈ،  شیرشاہ سے ماڑی پور تک جاسکے گی اور اسی طر ح واپسی کے لئے یہی راستہ اختیا کیا جائے گا۔

نیشنل ہائی وے کی جانب سے شہر کی طرف جانا چاہے وہ براستہ شاہراہ فیصل، اسٹیڈیم روڈ، سر شاہ سلیمان روڈ، حسن اسکوائر، لیاقت آبادنمبر 10، حبیب بینک فلائی اوور، اسٹیٹ ایونیو روڈ، شیرشاہ سے ماڑی پور تک آنے کی اجازت ہو گی۔

اسی طر ح واپسی کے لئے یہی راستہ اختیا کیا جائے گا۔