آئی ایم ایف کا بجلی کے نرخوں میں مزید اضافے کا مطالبہ

ویب ڈیسک

02nd Jul, 2024. 11:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی ایم ایف کا بجلی کے نرخوں میں مزید اضافے کا مطالبہ

آئی ایم ایف نے حکومت پاکستان سے بجلی کے نرخوں میں مزید اضافے کا مطالبہ کر دیا ہے۔

ذرائع کے مطابق پاکستان اور آئی ایم ایف کے درمیان ورچوئل مذاکرات میں آئی ایم ایف نے پاکستان سے بجلی کے نرخوں میں مزید اضافے کا مطالبہ کر دیا ہے۔

ذرائع کا کہنا ہے کہ آئی ایم ایف نے 10 جولائی سے قبل بجلی کے فی یونٹ قیمت میں 5 روپے بڑھانے کا مطالبہ کیا ہے، آئی ایم ایف نے بجلی اور گیس کے نرخوں میں اضافے کو ترجیحی نکات میں شامل کیا ہے۔

پاکستان کو آئی ایم ایف کا مطالبہ تسلیم کرنا پڑے گا، کیونکہ پاکستان نے آئی ایم ایف سے پروگرام کی رقم بڑھانے کی درخواست کی ہے۔

ذرائع کا مزید کہنا ہے کہ پاکستان نے مزید قرض کی درخواست میں موقف اپنایا ہے کہ اس نے آئی ایم ایف کی تمام شرائط کو رواں مالی سال بجٹ میں پورا کیا ہے۔

پاکستان کو توسیعی فنڈ سہولت پروگرام کے تحت 6 سے 7 ارب ڈالر ملنے کا امکان ہے۔