وزیراعظم شہبازشریف نے کہا ہے کہ اپنی کمرکسیں، ملک کی دن رات خدمت کریں، کڑوے فیصلے کرنے پڑیں گے۔

وزیراعظم شہبازشریف نے کابینہ اجلاس میں گفتگوکرتے ہوئے کہا کہ کل وزیرستان میں شہادتیں ہوئی ہیں، روسی صدرکے ساتھ پاکستان میں سرمایہ کاری سے متعلق گفتگو ہوئی، اپنی کمرکسیں، ملک کی دن رات خدمت کریں۔

وزیراعظم نے کہا کہ بجلی کے لالے پڑے  ہیں، چوری ہورہی ہے، ٹرانسمیشن کا بیڑا غرق ہے،  ہم بیٹھیں رہیں گے تو اس طرح کام نہیں ہوگا،  10 لاکھ ٹیوب ویل تیل پر چل رہے ہیں۔

وزیراعظم شہبازشریف نے کہا کہ چین کے ساتھ تعاون کے فروغ پرتیزی سے پیشرفت کویقینی بنانا ہوگا، کڑوے فیصلے کرنے پڑیں گے، جن علاقوں میں بجلی چوری ہورہی ہے وہاں لوڈشیڈنگ کی جارہی ہے۔

انھوں نے اجلاس میں گفتگو کے دوران کہا کہ ڈاؤن سائزنگ اوررائٹ سائز نگ پر میری ذاتی توجہ ہے، کراچی پورٹ پر1200 ارب کی چوری ہو رہی ہے، تنخواہ دار طبقہ مشکل سے اپنے بچوں کا پیٹ پال رہا ہے 3 ماہ کا ریلیف دیا ہے۔

وزیراعظم شہبازشریف نے کہا کہ کے پی میں سیکیورٹی اہلکاروں کی شہادت ہوئی، کراچی میں سی ٹی ڈی کے ڈی ایس پی شہید ہوئے، 20جولائی کو دوبارہ میٹنگ رکھی ہے، چین کےساتھ تعاون کے فروغ پرتیزی سے پیشرفت کویقینی بنانا ہوگا۔ روسی صدرکے ساتھ پاکستان میں سرمایہ کاری سےمتعلق گفتگوہوئی۔ قازقستان اور تاجکستان کا دورہ بہت اچھا رہا۔

وزیراعظم شہبازشریف نے اجلاس میں محرم الحرام میں صوبوں کو مربوط رابطہ رکھنے کی ہدایت کرتے ہوئے کہا کہ  اللہ سے دعا ہے محرم الحرام پُرامن طریقے سے گزرے۔ جہاں پر وفاق کی جانب سے مددکی ضرورت ہوگی کریں گے۔