تنخواہ دار طبقے پر لگائے گئے اضافی ٹیکسز کے خلاف کراچی میں احتجاج

ویب ڈیسک

08th Jul, 2024. 06:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تنخواہ دار طبقے پر لگائے گئے اضافی ٹیکسز کے خلاف کراچی میں احتجاج

کراچی: حالیہ بجٹ میں تنخواہ دار طبقے پر لگائے گئے اضافی ٹیکسز کے خلاف شہر قائد میں احتجاج کیا گیا۔

کراچی میں سیلریڈ کلاس الائنس کی جانب سے تنخواہ دار طبقے پر حکومت کی جانب سے عائد کردہ ٹیکسز کے خلاف احتجاج کیا گیا جس میں مختلف دفاتر اور کمپنیز میں کام کرنے والے ملازمین شریک ہوئے۔

احتجاج میں شریک مظاہرین نے دہائی دیتے ہوئے کہا کہ ٹیکس دیں یا بچوں کو روٹی کھلائیں، تنخواہ دار طبقہ ہی ایمانداری سے ٹیکس ادا کرتا ہے اور اسی پر ظلم کیا جارہا ہے۔

مظاہرین کا کہنا ہے کہ مہنگائی کے دورمیں گزارا کرنا مشکل ہوگیا ہے لہذا تنخواہ دار طبقے پر ظلم بند کیا جائے اور حکومت ٹیکسز کم کرے۔

پی آئی ڈی سی کی عمارت کے باہر ہونے والے احتجاج میں مختلف مظاہرین نے ہاتھوں میں پلے کارڈز اور بینرز اٹھارکھے تھے جن پر ٹیکس کم کرو کے نعرے درج تھے۔

مظاہرین کا کہنا تھا کہ مہنگائی کے دور میں گھر میں راشن ڈلوانا بھی مشکل ہوگیا ہے، تنخواہ دار طبقے پرظلم بند کیا جائے اور بلاوجہ کے ٹیکسز ختم کئے جائیں۔

مظاہرین کا مزید کہنا تھا کہ ہر حکومت نے ٹیکس میں اضافہ کیا، تنخواہیں پہلے ہی کم ہیں، مزید ٹیکس کا بوجھ برداشت نہیں کرسکتے۔