عمر ایوب کا کہنا ہے کہ  جب ہماری حکومت تھی تو بجلی کی قمیت کم تھی، سولرانرجی کی طرف ہم جا رہے تھے لیکن انہوں نے ختم کردیا ہے۔

پاکستان تحریکِ انصاف کے رہنماؤں کے ہمراہ پریس کانفرنس کرتے ہوئے اپوزیشن لیڈرقومی اسمبلی عمر ایوب نے کہا کہ آئی پی پیز کے حوالے سے کچھ حقائق پیش کرنا چاہتے ہیں، جب ہماری حکومت تھی تو بجلی کی قمیت کم تھی۔

عمر ایوب نے کہا کہ یہ جیتنے بھی معاہدے بنائے گئے ہیں سب بغیرمعلومات کیے گئے،  ان معاہدوں سے سترہ فیصد ریٹرن ڈالر پر طے کیا گیا، ان معاہدوں کی وجہ سے جو بوجھ تھا وہ عوام پر گرا، اس وقت ہماری معیشت ختم ہو چکی ہے، بجلی کی فراہمی بھی ختم ہونے لگی ہے۔

اپوزیشن لیڈرنے کہا کہ لوڈ شیڈنگ سے عوام کو تنگ کیا جا رہا ہے، ان سے سرکولر ڈیٹ نہیں قابو ہو رہا جو ریٹرن ریٹ رکھا تھا وہ واپس نہیں ہو پا رہا،  سولرانرجی کی طرف ہم جا رہے تھے لیکن انہوں نے ختم کردیا ہے۔

عمرایوب نے کہا کہ اس وقت ہماری معیشت کا بیڑہ غرق کردیا ہے، حکومت سنبھالتے ہی ان لوگوں نے آئی پی پیز سے مذاکرات کیوں نہ کیے؟

شبلی فراز نے کہا کہ پاکستان میں انرجی کا سیکٹر بد حالی کا شکار ہو گیا ہے، پہلے پی پی پی نے 1994 میں پھر ن لیگ نے اپنے فائدے کو دیکھا، ان کی حکومت نے اوورانوائس کرکے عوام کے جیب سے مہنگی بجلی کے پیسے نکلوائے۔

رہنما پی ٹی آئی نے کہا کہ ان کا مقصد ہے کہ ہر صورت میں پاکستان کی عوام کو لوٹنا ہے، ایک جانب آپ نااہل ہے اورکرپٹ ہیں تو ان کو چھپانے کے لیے کمپنیاں بنائی گئی، جب مجھ سے پوچھا گیا تھا وہ میں نے دو مسئلے سے آگاہ کیا تھا۔

۔شبلی فرازنے کہا کہ ایک انرجی سیکٹر اور دوسرا پینشن معیشت کے لیے بہتر نہیں تھے، آج انہی دو مسائل کی وجہ سے ملک کی معیشت بدحالی کا شکارہے، اس کمرے میں موجود تمام لوگ بتائیں کہ کیا آپ بجلی کے بل دے سکتے؟  پورے خطے میں پاکستان میں بجلی کا ریٹ سب سے زیادہ ہے۔

انھوں نے مزید کہا کہ یہ ایک ایسا مسئلہ ہے جس میں یہ لوگ بری طرح سے ناکام ہو گئے ہیں، جو لوگ سولر لگا کر بیٹھ گئے ہیں ان کی تو بچت ہو گئی ہے۔