وزیراعلیٰ پنجاب مریم نوازشریف نے واہنڈو انٹر چینج گوجرانوالہ، سیالکوٹ لاہور موٹروے ایکسپریس وے کا باقاعدہ آغاز کردیا۔

وزیراعلیٰ پنجاب نے گوجرانوالہ کے لیے18ارب کی لاگت سے چار میگا پراجیکٹس کا اعلان کیا۔ مریم نوازنے واہنڈو انٹرچینج فارسٹ اسٹیشن کا افتتاح کیا، انھوں نے گوجرانوالہ ایکسپریس وے کا دورہ کرکے جائزہ بھی لیا۔

وزیراعلیٰ مریم نوازشریف نے گوجرانوالہ علی پورتا قادرآباد روڈ کا سنگ بنیاد بھی رکھا، 14 کلومیٹر طویل علی پور تا قادر آباد روڈ پر ایک ارب روپے سے لاگت آئے گی۔

وزیراعلیٰ مریم نواز نے چن دا قلعہ تا عزیز کراس چوک تعمیر و بحالی کے پر اجیکٹ کا سنگ بنیاد رکھتے ہوئے کہا کہ 12.57 کلومیٹر طویل دورویہ سڑک تعمیر کی جائے گی، چن دا قلعہ پر ٹریفک کی روانی کے لئے فلائی اوور بھی بنایا جائے گا۔

مریم نوازنے پودا لگا کر شجر کاری مہم کا باقاعدہ آغاز بھی کیا، اس موقع پروزیراعلیٰ مریم نوازشریف کو فارسٹ سٹیشن پرتفصیلی بریفنگ دی گئی کہ واہنڈوفارسٹ اسٹیشن میں تقریبا ً 40ہزار مقامی پودے لگائے گئے ہیں۔ فارسٹ میں کچنار، پلکن، ارجن، انار، جامن اوراملتاس سمیت12قسام مقامی درخت لگائے۔

بریفنگ میں بتایا گیا کہ محکمہ فاریسٹ مانیٹرنگ ونگ درختوں کی دیکھ بھال کرے گا۔ فارسٹ میں آبپاشی کے لئے 10 مقامات پر بور واٹر پمپ نصب کیے گئے ہیں۔ محکمہ جنگلات 10 واٹرپوزرفارسٹ باقاعدگی سے آبپاشی کریں گے۔ سیکرٹری سی اینڈ ڈبلیو نے گرجرانوالہ واہنڈو ایکسپریس کے پراجیکٹ تفصیلی بریفنگ دی۔

وزیراعلی پنجاب نے لاہور موٹروے سے ملانے والی نئی ایکسپریس وے کا معائنہ کیا جس پرانھیں کمشنر گوجرانوالہ نے ایکپسریس وے سے متعلق بریفنگ دی۔ وزیراعلی کے ہمراہ وزیر اطلاعات پنجاب، چیف سیکرٹری سمیت متعلقہ حکام بھی موجود تھے۔