امریکی صدر کا مباحثے کے دوران شدید بیمار ہونے کا انکشاف

ویب ڈیسک

06th Jul, 2024. 02:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکی صدر کا مباحثے کے دوران شدید بیمار ہونے کا انکشاف

واشنگٹن: امریکی صدر جوبائیڈن کا مباحثے کے دوران شدید بیمار ہونے کا انکشاف ہوا ہے۔

غیر ملکی خبر رساں ادارے کے مطابق امریکی صدر جوبائیڈن نے ٹیلی ویژن کو دیے گئے انٹرویو میں بتایا کہ صدارتی مباحثے سے قبل وہ شدید بیمار تھے جس کی وجہ سے ان کی کارکردگی بھی متاثر ہوئی۔

امریکی صدر کا کہنا تھا ’’الیکشن میں صرف خدا ہی مجھے پیچھے ہٹنے پر مجبور کرسکتا ہے، صدارتی مباحثے میں ٹرمپ کے بولنے کے دوران میرا مائیک بند تھا‘‘۔

ان کا مزید کہنا تھا کہ الیکشن کی دوڑ سے باہر ہونے کا سوال ہی پیدا نہیں ہوتا جب کہ انہوں نے یہ بھی دعوٰی کیا کہ وہ اس وقت پوری دنیا کو چلانے کی صلاحیت رکھتے جب کہ صدر بننے کے لیے کوئی بھی ان سے زیادہ اہل نہیں ہوسکتا۔

ایک سوال کے جواب میں صدر جوبائیڈن نے کہا ’’میرا ہر ایک دن امتحان اور ٹیسٹ کا ہوتا ہے جب کہ میں انتخابی مہم کے ساتھ ساتھ دنیا کو بھی چلارہا ہوں‘‘۔

خیال رہے کہ 81 سالہ امریکی صدر کی طبیعت کو لے کر کئی خدشات نے جنم لے لیا ہے جب کہ جوبائیڈن کے دوبارہ صدارتی انتخاب میں حصہ لینے کے لیے بھی شکوک و شبہات پیدا ہوگئے ہیں۔

صدارتی مباحثے میں ان کی کارکردگی کو مدنظر رکھتے ہوئے کئی ڈیموکریٹک رہنما بھی جوبائیڈن سے صدارتی انتخاب سے پیچھے ہٹنے کا مطالبہ کررہے ہیں۔