سری لنکا نے کورونا کے دوران مسلمانوں کی میتیں جلانے پر معافی مانگ لی

ویب ڈیسک

24th Jul, 2024. 11:30 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سری لنکا نے کورونا کے دوران مسلمانوں کی میتیں جلانے پر معافی مانگ لی

سری لنکن حکومت نے کورونا وباء کے دوران مسلمانوں کی میتوں کو جلانے پر معافی مانگ لی ہے۔

بین الاقوامی خبررساں ادارے کے مطابق سری لنکن حکومت کی جانب سے جاری بیان میں کہا گیا ہے کہ کورونا کے دنوں میں عالمی ادارہ صحت (ڈبلیو ایچ او) کی جانب سے اسلامی رسومات کے مطابق تدفین کو محفوظ قرار دینے کی یقین دہانی کو نظرانداز کیا گیا تھا۔

حکومت کی جانب سے کورونا کے دور میں آخری رسومات کی لازمی پالیسی پر کابینہ نے معافی نامہ جاری کیا ہے۔

ملک میں نیا قانون آخری رسومات یا تدفین کے حق میں ضمانت دے گا تا کہ آئندہ مسلمانوں یا دوسری کمیونٹی کی آخری رسومات کی خلاف ورزی نہ ہو۔

واضح رہے کہ عالمی وباء کے دنوں میں سری لنکا کے اس وقت کے صدر گوٹابایا راجاپاکسے نے کورونا کے باعث وفات پانے والوں کی تدفین پر پابندی عائد کر دی تھی۔

اقوام متحدہ کی انسانی حقوق کونسل اور دیگر فورمز نے مسلمانوں کی میتیں جلانے پر سری لنکن حکومت کی مذمت کی تھی۔