خیبرپختونخوا اسمبلی کا ’آپریشن عزم استحکام‘ سے قبل اسمبلی کو اعتماد میں لینے کا مطالبہ

ویب ڈیسک

19th Jul, 2024. 05:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خیبرپختونخوا اسمبلی کا ’آپریشن عزم استحکام‘ سے قبل اسمبلی کو اعتماد میں لینے کا مطالبہ

پشاور: خیبرپختونخوا اسمبلی میں ’آپریشن عزم استحکام‘کے حوالے سے قرارداد متفقہ طور پر منظور کرلی گئی۔

خیبرپختونخوا اسمبلی کا اجلاس اسپیکر بابر سلیم سواتی کی زیر صدارت منعقد ہوا جس میں تلاوت قرآن پاک کے بعد توجہ دلاؤ نوٹس ایوان میں پیش کیے گئے۔

رکن اسمبلی تاج محمد نے محکمہ پولیس کے حوالے سے توجہ دلاؤ نوٹس پیش کیا جب کہ خیبرپختونخوا اسمبلی میں فوجی آپریشن عزم استحکام پاکستان کے حوالے سے بھی قرارداد پیش کی گئی۔

خیبرپختونخوا اسمبلی نے آپریشن عزم استحکام پاکستان کے حوالے سے قرارداد متفقہ طور پر منظور کرلی ہے تاہم قرارداد میں آپریشن سے قبل صوبائی اسمبلی کو اعتماد میں لینے کا مطالبہ کیا گیا ہے۔

قرارداد کے متن میں کہا گیا ہے کہ ماضی میں بھی آپریشنز سے کافی جانی و مالی نقصانات ہوئے ہیں، آپریشن عزم استحکام پاکستان سے قبل ایوان کو اعتماد میں لینا ضروری ہے۔

اسمبلی میں آپریشن عزم استحکام پاکستان کے حوالے سے قرارداد صوبائی وزیر قانون نے پیش کی تھی۔