ٹرمپ پر قاتلانہ حملہ روکنے کی ناکامی پر امریکی سیکرٹ سروس کی سربراہ مستعفی

ویب ڈیسک

24th Jul, 2024. 12:19 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹرمپ پر قاتلانہ حملہ روکنے کی ناکامی پر امریکی سیکرٹ سروس کی سربراہ مستعفی

امریکی سیکرٹ سروس کے ڈائریکٹر کم چیٹل نے سابق صدر ڈونلڈ ٹرمپ پر قاتلانہ حملے کے بعد سیکیورٹی ناکامیوں کے بعد استعفیٰ دے دیا ہے۔

ڈائریکٹر کم چیٹل نے سیکرٹ ایجنسی کے عملے کو لکھے گئے اپنے استعفے میں کہا کہ آپ کے ڈائریکٹر کی حیثیت سے میں سیکیورٹی کوتاہی کی پوری ذمہ داری لیتی ہوں۔

اس واقعے کے بارے میں ایوان نمائندگان کی کمیٹی کی پیر کو ہونے والی سماعت کے بعد انہیں ڈیموکریٹس اور ریپبلکن دونوں کی جانب سے عہدہ چھوڑنے کے مطالبے کا سامنا کرنا پڑا تھا۔

اس ماہ کے اوائل میں پنسلوانیا کے شہر بٹلر میں ٹرمپ کی انتخابی ریلی میں فائرنگ کے واقعے کے بارے میں پوچھے گئے سوالات کا جواب دینے سے انکار کے بعد قانون سازوں کو مایوسی ہوئی۔

اپنے استعفے میں کم چیٹل نے کہا کہ انہوں نے ہمیشہ ایجنسی کی ضروریات کو اولیت دی ہے اور بھاری دل کے ساتھ انہوں نے یہ فیصلہ کیا ہے۔

صدر جو بائیڈن نے ایک بیان میں کہا کہ وہ سیکرٹ سروس کی ڈائریکٹر کم چینٹل کی دہائیوں کی عوامی خدمت کے شکر گزار ہیں۔

جو بائیڈن نے کہا کہ وہ جلد ہی ایک نیا ڈائریکٹر مقرر کریں گے، فی الحال ہوم لینڈ سکیورٹی کے وزیر الیجینڈرو میئرکس نے رونالڈ رو کو ایجنسی کا قائم مقام ڈائریکٹر مقرر کیا ہے۔