ڈنمارک اور نیدرلینڈز سے ایف 16 طیارے یوکرین بھیجے جا رہے ہیں، امریکی وزیر خارجہ

ویب ڈیسک

10th Jul, 2024. 07:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈنمارک اور نیدرلینڈز سے ایف 16 طیارے یوکرین بھیجے جا رہے ہیں، امریکی وزیر خارجہ

امریکی وزیر خارجہ انٹونی بلنکن نے کہا ہے کہ ڈنمارک اور نیدرلینڈز سے ایف 16 جنگی طیارے یوکرین بھیجے جا رہے ہیں۔

امریکی وزیر خارجہ انٹونی بلنکن نے کہا ہے کہ امریکی ساختہ ایف 16 لڑاکا طیاروں کی پہلی کھیپ پہلے ہی ڈنمارک اور نیدرلینڈز سے یوکرین منتقل کی جا رہی ہے اور وہ رواں موسم گرما میں یوکرین کی فضائی حدود میں پرواز کریں گے۔

واشنگٹن میں نیٹو سربراہ اجلاس کے موقع پر ایک تقریب سے خطاب کرتے ہوئے امریکی وزیر خارجہ انٹونی بلنکن نے کہا کہ آئندہ چند دنوں میں یوکرین کے لیے ایک مضبوط پیکج کا اعلان کیا جائے گا جو یوکرین کی نیٹو رکنیت کے لیے ایک واضح اور مضبوط پل تعمیر کرے گا۔

بلنکن نے کہا کہ مجھے یہ اعلان کرتے ہوئے بھی خوشی ہو رہی ہے کہ ایف 16 طیاروں کی منتقلی جاری ہے جو ڈنمارک اور نیدرلینڈز سے آ رہے ہیں۔

“امریکی وزیر خارجہ نے مزید کہا کہ ایف 16 طیاروں کی فراہمی کا مقصد یوکرین روسی جارحیت کے خلاف مؤثر طریقے سے اپنا دفاع جاری رکھ سکے۔