حکومت کو چاہیے کہ اسماعیل ہانیہ کی شہادت پر اسمبلی کا اجلاس بلائے، سراج الحق

ویب ڈیسک

31st Jul, 2024. 08:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت کو چاہیے کہ اسماعیل ہانیہ کی شہادت پر اسمبلی کا اجلاس بلائے، سراج الحق

سابق امیر جماعت اسلامی سراج الحق کا کہنا ہے کہ حکومت کو چاہیے کہ اسماعیل ہانیہ کی شہادت پر اسمبلی کا اجلاس بلائے۔

سابق امیر جماعت اسلامی سراج الحق نے راولپنڈی میں جماعت اسلامی کے دھرنے سے خطاب کرتے ہوئے کہا کہ آج تاریخ کا سیاہ ترین دن ہے۔ پاکستان سمیت پوراعالم اسلام سکتے میں ہے۔

سراج الحق نے خطاب میں کہا کہ آج کے دورکا صلاح الدین آج شہید ہو گیا۔ آج پاکستان سے ہم یہی پیغام دینا چاہتے ہیں۔ اسماعیل ہانیہ نے ہمارے ساتھ وعدہ کیا تھا کہ ہم مل کرمسجد اقصیٰ میں نماز ادا کریں گے۔

سابق امیرجماعت اسلامی نے کہا کہ آج وہ رحلت فرما گئے، ہم ہانیہ کے اِس مشن کو جاری رکھیں گے۔ ہم حکومت پاکستان سمیت تمام عالم اسلام سے مطالبہ کرتے ہیں کہ اسرائیل کے خلاف جہاد کیا جائے۔

سراج الحق نے اپنے خطاب میں مزید کہا کہ حکومت کو چاہیے کہ اسماعیل ہانیہ کی شہادت پر اسمبلی کا اجلاس بلائے۔ ہم نے اسماعیل ہانیہ سے وعدہ کیا تھا کہ ہم نہیں رہے تو تم اِس مشن کو جاری رکھنا ہے۔