ایکسپو سینٹر میں ایم کیوایم پاکستان کا یوتھ کنونشن

ویب ڈیسک

28th Jul, 2024. 08:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایکسپو سینٹر میں ایم کیوایم پاکستان کا یوتھ کنونشن

ایم کیو ایم پاکستان کی جانب سے نوجوانوں کے لیے ایکسپو سینٹر کراچی میں یوتھ کنونشن کا انعقاد کیا گیا۔

اس موقع پر ایم کیو ایم پاکستان کے رہنما فاروق ستار کا کہنا تھا کہ اس یوتھ کنونشن کا مقصد باہر جانے والے پاکستانی ٹیلنٹ کو اپنے پیروں پر کھڑا کرنا ہے۔

انہوں نے کہا کہ 80 فیصد سے زیادہ نوجوان اس کنونشن میں موجود ہیں۔

فاروق ستار نے کہا کہ پاکستان کے نوجوانوں اٹھو، جاگو اور اپنا جائز حق حاصل کرو، آج یہ کنونشن تمہیں محتاجی اورغلامی سے نکالنے کے لیے ہے۔

ایم کیو ایم رہنما کا کہنا تھا کہ کراچی پیروں پر کھڑا ہو گیا تو سمجھیں پاکستان اپنے پیروں پر کھڑا ہو گیا، آج پاکستان کی سیاست بھی تبدیل ہوگی اورمعیشت بھی تبدیل ہو گی۔

فاروق ستار نے کہا کہ آج ہر شہری کی عزت نفس داؤ پر لگی ہوئی ہے۔

ایم کیو ایم کے رہنما فاروق ستار نے نوجوانوں کو مخاطب کرتے ہوئے کہا کہ اپنے حصے کا روزگار حاصل کرو، آج اس یوتھ کنونشن میں نوجوان غلامی سے چھٹکارا حاصل کرنے آئے ہیں۔