مخصوص نشستیں پی ٹی آئی کو دینے کے فیصلے کے خلاف نظرِ ثانی کی اپیل دائر

طیب بلوچ

20th Jul, 2024. 05:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مخصوص نشستیں پی ٹی آئی کو دینے کے فیصلے کے خلاف نظرِ ثانی کی اپیل دائر

مخصوص نشستیں پی ٹی آئی کو دینے کےعدالتی فیصلے سے متاثرہ ن لیگ کی تین اراکین نے نظرثانی اپیل دائر کردی۔

سپریم کورٹ میں نظرثانی کی اپیل ہما اختر چغتائی، ماہ جبین عباسی اور سیدہ آمنہ بتول نے دائر کی۔ نظرثانی میں سنی اتحاد کونسل اور الیکشن کمیشن سمیت دیگر کو فریق بنایا گیا ہے۔

درخواست میں مؤقف اپنایا گیا کہ سنی اتحاد کونسل کا مخصوص نشستوں کیلئے فہرست جمع نہ کرانا تسلیم شدہ حقیقت ہے، استدعا ہے کہ مخصوص نشستیں پی ٹی آئی کو دینے کے فیصلے کو کالعدم قراردیا جائے۔

ن لیگ کے متاثرہ تین اراکین کی جانب سے درخواست میں کہا گیا کہ پورا کیس سنی اتحاد کونسل کی مخصوص نشستوں سے متعلق تھا، اپنی مرضی سے سنی اتحاد کونسل میں جانے والے 41 ارکان کو پارٹی تبدیل کرنے کیلئے 15 دن دینا آئین کو دوبارہ تحریر کرنے کے مترادف ہے۔

درخواست میں یہ بھی کہا گیا کہ قانون میں طے کردہ اصول سے ہٹ کر نیا طریقہ نہیں اپنایا جا سکتا، اکثریتی فیصلہ آئین کے تحت نہیں ہے، استدعا ہے کہ 12 جولائی کے مختصر اکثریتی فیصلے کو کالعدم قرار دیا جائے۔