برطانیہ میں کنزرویٹو پارٹی کا 14 سالہ راج ختم، لیبر پارٹی کامیاب

ویب ڈیسک

05th Jul, 2024. 11:03 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانیہ میں کنزرویٹو پارٹی کا 14 سالہ راج ختم، لیبر پارٹی کامیاب

برطانیہ میں کنزرویٹو پارٹی کا 14 سالہ راج ختم ہوگیا، لیبر پارٹی نے بھاری اکثریت سے کامیابی سمیٹ لی۔

بین الاقوامی خبررساں ادارے کے مطابق برطانیہ میں قبل ازوقت ہونے والے عام انتخابات میں لیبر پارٹی نے فتح حاصل کرلی ہے جس کے بعد سر کئیر اسٹارمر نئے وزیراعظم بنیں گے۔

برطانیہ میں عام انتخابات کے نتائج کے لیے ووٹوں کی گنتی جاری ہے جس میں لیبر پارٹی نے اب تک 338 نشستیں حاصل کرلی ہیں۔

حکومت سازی کے لیے پارلیمنٹ کی 650 نشستوں میں سے 326 نشستیں درکار ہوتی ہیں اور لیبر پارٹی 338 نشستیں حاصل کرکے حکومت بنانے کی پوزیشن میں آگئی ہے۔

ایگزیٹ پولز کے دعوؤں کے مطابق لیبر پارٹی 401، کنزرویٹو پارٹی 163، لبرل ڈیموکریٹس پارٹی 50، اسکاٹش نیشنل پارٹی 8 اور ریفارم یوکے کو 4 نشستیں ملنے کی توقع ہے۔

برطانیہ میں 17جولائی کوپارلیمانی سال کاآغازہوگا اور بادشاہ چارلس خطاب کریں گے۔

عام انتخابات کے حتمی نتائج رات 11 بجے سے آنا شروع ہوں گے اور صبح تک مکمل ہوجائیں گے۔