وزیراعظم شہبازشریف نے کہا ہے کہ فلسطین میں فوری غیر مشروط جنگ بندی کا مطالبہ کرتے ہیں، غیرملکی قبضےکی وجہ سے تنازعات سراٹھا رہے ہیں۔

وزیراعظم شہبازشریف نے آستانہ ایس سی او پلس سمٹ سے خطاب کرتے ہوئے کہا کہ قازقستان کے صدرکوایس سی او کے کامیاب انعقاد پرمبارکباد دیتا ہوں، غیرملکی قبضےکی وجہ سے تنازعات سراٹھا رہے ہیں۔

وزیراعظم نے کہا کہ اسلاموفوبیاایک بڑامسئلہ ہے، اسرائیل نے فلسطینیوں پرظلم کا بازارگرم کررکھا ہے، اسرائیل فلسطین میں نسل کشی کررہا ہے، تنازعات کا پرامن حل ضروری ہے۔

وزیراعظم شہبازشریف نے خطاب میں کہا کہ عالمی عدالت انصاف نے بھی اسرائیلی مظالم کانوٹس لیاہے، اقوام متحدہ کوطویل المدتی تنازعات کے حل کےلیے کرداراداکرناچاہیے، اسرائیل جنگی جرائم کامرتکب ہورہاہے۔

وزیراعظم نے ایس سی او پلس سمٹ میں خطاب کرتے ہوئے کہا کہ آج جن دستاویزات پراتفاق رائے ہوا وہ اہم ہیں، دستاویزات ایس سی او اہداف کے حصول میں اہم کردارادا کریں گی، فلسطین میں فوری غیرمشروط جنگ بندی کامطالبہ کرتےہیں۔

وزیراعظم نے مزید کہا کہ تمام تصفیہ طلب مسائل کا پرامن حل چاہتے ہیں، ماحولیاتی تبدیلی کی وجہ سےدنیا کو چیلنجزکا سامنا ہے، کوروناکے سبب دنیا کوسماجی، معاشی مسائل جھیلنے پڑے، ماحولیاتی تبدیلی سےلاکھوں لوگ متاثرہورہےہیں۔

اس سے قبل وزیراعظم شہبازشریف نے شنگھائی تعاون تنظیم کے اجلاس سے خطاب کرتے ہوئے کہا کہ ایس سی او اجلاس سے خطاب پر خوشی ہے، آستانہ خوبصورت شہر ہے، مہمان نوازی پر مشکور ہوں، اجلاس میں شرکت میرے لیے باعث اعزاز ہے۔