وفاقی حکومت کا سیاحت کے فروغ کے لئے بڑا فیصلہ

فہد چوہدری

12th Jul, 2024. 07:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاقی حکومت کا سیاحت کے فروغ کے لئے بڑا فیصلہ

اسلام آباد: وزیر اعظم شہباز شریف نے گلگت بلتستان میں کوہ پیمائی کا اسکول قائم کرنے کی منظوری دے دی۔

وزیراعظم شہباز شریف نے گلگت بلتستان میں کوہ پیمائی اسکول کے قیام کے لئے 14 رکنی کمیٹی قائم کردی ہے۔

موسمیاتی تبدیلیوں پر وزیر اعظم کی کوآرڈینیٹر رومینہ خورشید عالم کمیٹی کی سربراہ مقرر کی گئی ہیں، کمیٹی کے قیام سے متعلق وزیر اعظم آفس نے نوٹیفکیشن جاری کردیا ہے۔

کمیٹی گلگت بلتستان میں کوہ پیمائی اسکول کے قیام پر 15 روز میں اپنی سفارشات مرتب کرے گی، کمیٹی گلگت بلتستان میں کوہ پیمائی کا تربیتی اسکول کے لئے جگہ اور اخراجات کا بھی تعین کرے گی۔

کمیٹی ملک میں سیاحت کے فروغ اور سیاحتی مقامات کی بہتری کے لئے سفارشات دے گی جب کہ کمیٹی گلگت بلتستان حکومت کے ساتھ ملکر لائحہ عمل مرتب کرے گی۔

کمیٹی اسکول کو بین الاقوامی معیار کے مطابق بنانے کے حوالے سفارشات دے گی، کمیٹی میں وزیر اعظم یوتھ پروگرام کے چیئرمین رانا مشہود بھی شامل ہیں۔

علاوہ ازیں وزیر سیاحت گلگت بلتستان غلام محمد اور سیکرٹری تعلیم محی الدین وانی بھی کمیٹی میں شامل ہیں۔