انگلینڈ نے ٹیسٹ کرکٹ کی تاریخ میں نیا ریکارڈ قائم کر دیا

ویب ڈیسک

19th Jul, 2024. 12:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انگلینڈ نے ٹیسٹ کرکٹ کی تاریخ میں نیا ریکارڈ قائم کر دیا

انگلینڈ کرکٹ ٹیم نے ویسٹ انڈیز کے خلاف سیریز کے دوسرے ٹیسٹ میچ میں ایک نیا عالمی ریکارڈ قائم کر دیا۔

ٹرینٹ برج میں کھیلے جارہے ٹیسٹ میچ کے پہلے دن ویسٹ انڈیز نے ٹاس جیت کر انگلینڈ کو پہلے بیٹنگ کی دعوت دی، انگلش ٹیم نے دعوت قبول کرتے ہوئے میچ میں وہ کر دیا جو ٹیسٹ کرکٹ کی تاریخ میں آج سے پہلے کبھی نہیں ہوا۔

گزشتہ چند سالوں کے دوران جارحانہ بیٹنگ کی حکمت عملی کے لیے مشہور ہونے والی انگلینڈ ٹیم نے ٹیسٹ کرکٹ میں تیز ترین ٹیم کی ففٹی بنانے کا ریکارڈ قائم کر دیا۔

ویسٹ انڈیز کے خلاف انگلش ٹیم کی اننگز کا آغاز ہوا تو زیک کرولی صفر پر آؤٹ ہوگئے لیکن بین ڈکٹ اور اولی پوپ نے جارحانہ بیٹنگ کرتے ہوئے صرف 4.2 اوورز ( یعنی 26 گیندوں) میں ٹیم کا اسکور 50 رنز تک پہنچا دیا۔

یہ ٹیسٹ کرکٹ کی تاریخ میں کسی بھی ٹیم کی جانب سے تیز ترین ففٹی اسکور ہے۔

اس سے قبل انگلینڈ نے ہی 1994 میں جنوبی افریقا کے خلاف 4.3 اوورز میں 50 رنز مکمل کیے تھے۔