امریکی صدر جو بائیڈن کی جانب سے صدارتی دوڑ سے دستبرداری کے اعلان کے بعد عالمی رہنماؤں کی جانب سے ان کے فیصلے کا خیر مقدم کیا جارہا ہے۔

امریکی صدر جو بائیڈن نے گزشتہ روز جاری ہونے والے ایک خط میں اپنے فیصلے کا اعلان کیا، جو ایک حیرت انگیز اقدام ہے۔ انہوں نے نائب صدر کملا ہیرس کو ڈیموکریٹک پارٹی کی نئی امیدوار کے طور پر حمایت کی۔

برطانوی وزیر اعظم کیئر اسٹارمر نے کہا کہ امریکی صدرجوبائیڈن کےفیصلےکااحترام کرتا ہوں  اور ان کی صدارت کے بقیہ حصے کے دوران مل کر کام کرنے کا منتظر ہوں۔

پولینڈ کے وزیر اعظم ڈونلڈ ٹسک نے کہا کہ آپ نے بہت سے مشکل فیصلے کیے ہیں جن کی بدولت پولینڈ اور امریکہ سمیت دنیا  بھر میں جمہوریت مضبوط ہوئی ہے۔

جرمن چانسلر اولاف شولز نے بھی بائیڈن کی وراثت کو خراج تحسین پیش کیا اور کہا کہ میرے دوست نے اپنے ملک، یورپ اور دنیا کے لیے بہت کچھ حاصل کیا۔

کینیڈا کے وزیر اعظم جسٹن ٹروڈو نے بھی بائیڈن کی کئی سال کی خدمات پر ان کا شکریہ ادا کرتے ہوئے کہا کہ وہ ایک عظیم انسان ہیں اور وہ جو کچھ بھی کرتے ہیں وہ اپنے ملک سے ان کی محبت کی بنیاد پر ہوتا ہے۔ صدر کی حیثیت سے وہ کینیڈین باشندوں کے شراکت دار اور سچے دوست ہیں۔ صدر بائیڈن اور خاتون اول کا شکریہ۔

آسٹریلوی وزیر اعظم انتھونی البانیز نے ایکس پر لکھا کہ جو بائیڈن کی قیادت اور جاری خدمت کے لئے بے حد شکریہ۔

سابق صدر باراک اوبامانے صدر کی حیثیت سے ان کے ریکارڈ کی تعریف کی۔