عمر ایوب  کہنا ہے کہ عوام سے اپیل ہے کل کا احتجاج کامیاب بنائیں، ملک میں نئے الیکشن کروائے جائیں۔

راولپنڈی میں اپوزیشن لیڈرعمرایوب نے اڈیالہ جیل کے باہرمیڈیا سے گفتگوکرتے ہوئے کہا کہ بانی پی ٹی آئی سے خوشگوارملاقات ہوئی ہے، ن لیگ پاک فوج اورپی ٹی آئی کو آمنے سامنے کرناچاہتی ہے، بانی پی ٹی آئی نے کہا ہم ایسا نہیں ہونے دیں گے۔

عمرایوب نے کہا کہ بانی پی ٹی آئی نے کہا ہے آرمی چیف بھی ایسا نہیں ہونے دیں گے، پاکستان کے 90 فیصد عوام پی ٹی آئی کے ساتھ ہیں، بانی پی ٹی آئی نے کہا 9 مئی کی سی سی ٹی وی فوٹیجزچوری کی گئیں، ہمارامطالبہ ہے ان فوٹیجز کو سامنے لایا جائے۔

اپوزیشن لیڈرقومی اسمبلی نے کہا کہ جوڈیشل کمپلیکس اوراسلام آباد ہائیکورٹ کی فوٹیجزسامنے لائی جائیں، بانی پی ٹی آئی نے قومی و صوبائی اسمبلیوں کے سامنے احتجاج کوسراہا ہے، ملک میں نئے الیکشن کروائے جائیں، عوام سے اپیل ہے کل کا احتجاج کامیاب بنائیں۔

عمرایوب نے کہا کہ پنجاب میں ہمارے ایم این ایزاورایم پی ایزکوڈرایا دھمکایا جارہا ہے، بانی پی ٹی آئی نے ہمیشہ کہا پرامن احتجاج کرنا ہے، چیف الیکشن کمشنراورچاروں ممبران کومستعفیٰ ہوناچاہیے۔

کنول شوذب نے کہا کہ فارم 47 کی حکومت بشریٰ بی بی کے خلاف سازش کررہی ہے، عون چوہدری کے ملازم کوگواہ بنایا جارہا ہے، بشریٰ بی بی کو ہدف بنا کربانی پی ٹی آئی کوجھکانے کی کوشش کی گئی۔

انھوں نے کہا کہ عون چوہدری نےعدت کیس میں جھوٹی گواہی دی ہے، عون چوہدری کے ملازم کواب نئے کیس میں گواہ بنایا جارہا ہے، مخصوص نشستوں سے متعلق بانی پی ٹی آئی نے ہدایت کردی ہے، ان خواتین کوترجیح دینے کی ہدایت کی ہے جنہوں نےقربانیاں دیں۔