پنجاب حکومت نے محرم الحرام کے دوران پاک فوج کی خدمات مانگ لیں

جعفر بن یار

05th Jul, 2024. 03:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب حکومت نے محرم الحرام کے دوران پاک فوج کی خدمات مانگ لیں

لاہور: پنجاب حکومت نے محرم الحرام کے دوران پاک فوج اور پاک رینجرز کی خدمات مانگ لیں۔

ذرائع کے مطابق محرم الحرام میں امن وامان کی صورتحال کو بہتر بنانے کے لیے پنجاب حکومت نے صوبہ بھر کے لیے پاک فوج اور رینجرز کی 160 کمپنیوں کی خدمات مانگ لیں۔

ذرائع کا کہنا ہے کہ محکمہ داخلہ پنجاب نے وفاق کو پاک فوج اور رینجرز کی کمپنیوں کے لیے خط لکھ دیا ہے، صوبہ بھر میں پاک رینجرز کی 81 اور پاک فوج کی 79 کمپنیاں خدمات انجام دیں گی۔

ذرائع نے بتایا کہ پاک رینجرز اور آرمی کے دستے یکم سے دس محرم تک خدمات انجام دیں گے، پاک رینجرز اور آرمی کے دستوں کو ضرورت کے مطابق مختلف اضلاع میں استعمال کیا جائے گا۔

ذرائع کا کہنا تھا کہ محکمہ داخلہ پنجاب سراغ رساں کتوں کی بھی خدمات حاصل کریں گی، تمام اضلاع میں جلوسوں اور مجالس سے قبل سراغ رساں کتوں اور میٹل ڈیٹیکٹر سے سیکیورٹی کلیئرنس دی جائے گی۔