نومنتخب برطانوی وزیر اعظم کا اسرائیلی وزیر اعظم اور فلسطینی صدر کو فون

ویب ڈیسک

08th Jul, 2024. 10:57 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نومنتخب برطانوی وزیر اعظم کا اسرائیلی وزیر اعظم اور فلسطینی صدر کو فون

نومنتخب برطانوی وزیر اعظم سر کیئر اسٹارمر نے اسرائیلی وزیر اعظم نیتن یاہو اور فلسطینی صدر محمود عباس سے ٹیلیفونک رابطہ کیا۔

بین الاقوامی خبررساں ادارے کے مطابق برطانوی وزیر اعظم سر کیئرا سٹارمر نے اسرائیلی وزیر اعظم نیتن یاہو سے غزہ اور لبنان کی صورتحال پر تبادلہ خیال کیا ہے۔

برطانوی وزیراعظم کیئر اسٹارمر نے غزہ میں فوری جنگ بندی پر بھی زور دیا اور انسانی بنیادوں پر غزہ میں جنگ زدہ لوگوں تک امداد کی رسائی کو تیز کرنے کے لیے کہا۔

کیئر اسٹارمر نے نیتن یاہو سے مسئلے کے مستقل اور طویل المدتی حل کے لیے دو ریاستی حل کی طرف بھی توجہ دلائی، نیز فلسطینی اتھارٹی کو مالیاتی وسائل کی فراہمی پر بھی زور دیا۔

دوسری جانب برطانوی وزیر اعظم نے فلسطینی اتھارٹی کے صدر محمود عباس سے بھی فون پر بات کی اور انہیں کہا کہ وہ اپنی امن کی خواہش پر مبنی پالیسی کے ساتھ ہیں اور فلسطینیوں کے ناقال تردید حقوق کے اپنے مؤقف پر بھی قائم ہیں۔